「再有個仔就好啲」李兆基命子淇生到33歲
現年26歲的徐子淇剛剛懷了第二胎，努力為老爺「四叔」李兆基追個男孫，更揚言要生到30歲，不過老爺似乎不心足，叫子淇追生多幾年。李兆基昨日在樂富出席由他創辦的「香港兆基創意書院」開幕禮，任校董的幼子李家誠（Martin ）也有出席。
李兆基和兒子李家誠異口同聲希望子淇這胎是男嬰。
李家誠透露已教女兒李晞彤與子淇肚內的BB 傾偈，增進感情。 資料圖片
李家誠讚子淇乖
問四叔想不想子淇生仔？他即開到口恨抱男孫，他說：「有仔梗係開心啦，有個仔平衡吓，而家有個女，再有個仔就好啲。」子淇說生到30歲，四叔說：「唔使咁早，30歲仲好後生，希望佢生到32、33歲啦。」生BB 會否再有獎？他說：「有獎勵！」但他謂要到時才決定獎甚麼，相信子淇若然生男，獎金獎品一定更豐厚。李家誠則謂未知太太懷的是男嬰還是女嬰，他說：「知都唔可以講住，怕小氣。」四叔想要男孫，李家誠說：「有就開心，冇咪遲啲再追咋，我都好開心，冇第一次咁緊張。」談到子淇不戒口、照著高跟鞋，Martin 就幫子淇講好話：「佢好乖，食啲啲冇所謂，鞋佢都係公開場合先著，上車就換番平底鞋，生到30歲就好好喇。」問他如何獎勵太太，他說：「唔係懷胎先有，有BB 冇BB 都會獎。」子淇聽到此言應該好安樂兼心甜。採訪、攝影：顏英儀
徐子淇懷胎三個多月，還未生產，老爺李兆基已經開口催促她再生。 資料圖片
