子淇笑言要跟女兒一起學中文。
千億新抱徐子淇昨日與丈夫李家誠出席港大李兆基會議中心銘謝禮，四叔李兆基偕其女兒李佩雯和孫仔李健中、羅康瑞、霍震寰、才女林燕妮均有出席。子淇透露一家五口剛由美國滑雪回港：「兩個女滑雪好叻，囝囝就騎BB馬，畀佢練大膽啲。」
子淇大讚港大校園設施新穎，勾起她在英國讀書的回憶，問可會重返校園？她說：「都想，我爸爸58歲啱啱攞咗PhD，都要終身學習。之前同老爺坐車嚟港大時，佢有份講稿，我發現有好多中文字唔識，老爺話我中文渣，我都要同個女一齊學中文同普通話。」
四叔的孫仔李健中昨日都出席銘謝禮。
林燕妮昨日出席港大活動，透露幾年來不斷做手術，但仍然撐得住。
林燕妮撐得住
此外，林燕妮近年身體抱恙，她說：「呢三、四年成日俾人劏，之前盲腸炎變腹膜炎，開過兩次刀，甲狀腺有粒好似雞蛋咁大嘅瘤壓住動靜脈，引致肺炎，𠵱家又要忙搬屋。」不過她謂自己撐得住。
From:
http://hk.apple.nextmedia.com/entertainment/art/20130107/18125537
