蔡瀾點名大讚的1號姚佳麗，對眼發炎，無得化妝被迫素顏見人，好在佢做瑜伽時，漏到半個湯碗出嚟，咁至有番睇頭。
亞姐向來噱頭多多，上周五（28日），亞視安排廿位佳麗示範瑜伽。當日所見，雖然瑜伽運動衫貼身兼高領，走光絕非易事，不過班佳麗就勁醒目，好清楚傳媒要乜，尤其1號姚佳麗同2號譚麗思，領口高到咁都可以春光乍洩，難度真係爆晒燈。
來自土庫曼嘅10號綺蓮娜甚懂搶鏡，當其他亞姐起身準備做訪問時，佢突然標奇立異做拱橋，頓變全場焦點，引來其他亞姐眼啤啤之餘，連保母都睇唔過眼走過去扶佢起身話︰「完咗啦！起身做訪問啦。」
4號姚鳳鳳腳板嚴重
裂，腳皮勁厚，真係要搞搞佢。
2號譚麗思由於有跳舞底子，擘腿趴地易過借火，最後仲索性訓響地任影，不過難度最高嘅係bra 帶即時離奇走位。
