無線昨日向212名員工派大信封，大部份藝人對被裁減的同事感到惋惜，希望不要再發生。新鮮出爐視后米雪更出言幫受裁員工說好話，希望無線將來可以招聘這批員工回巢，而錢嘉樂和楊思琦則異口同聲表示高層應減薪共度時艱。
無線昨日裁減212名員工，留下的員工士氣也受損，出爐視后米雪昨日在電視廣播城接受林敏驄主持的《大龍鳳茶樓》訪問，談到裁員，她表示目前的經濟環境，惟有與公司共度時艱，她說：「我仲未知有幾多個朋友被裁走，希望被裁走嘅同事唔好灰心，佢哋係專業人才，畀啲耐性等吓，一定會有人請，或者遲啲經濟好番啲，公司會請番佢哋呢！」
曾華倩坦言有相識的員工被裁走，令她心情十分低落。
鍾嘉欣及黃宗澤近日進軍樂壇，兩人昨日一同出席電台活動。
「最緊要有工做」
米雪出言希望無線稍後可以招聘被裁走的員工，讓他們回巢工作。
早前有指米雪與無線簽新約，她說：「我仲有一年合約，但係如果簽新約唔加人工都冇所謂，最緊要係有工做，遇到好劇本嘅話，減價都冇所謂。」不過，當提到無線在有盈利的情況下仍裁員，米雪有點避忌地說：「呢啲各有各嘅政策，老闆都有佢嘅難題，我都唔識點講。」錢嘉樂則直言高層應該以身作則減薪，給人感覺公平，對士氣有所幫助。未受凍薪影響的楊思琦也認同若高層主動減薪，值得讚揚。目前在收費台任主持的曾華倩，早上拍《玄學天王》獲悉有兩名同事接大信封，感到不開心，她說：「多多少少都有影響心情，希望唔會有下次，發生呢件事都冇辦法，不單只無線，同成個社會有關。」
藝員凍薪冇影響
此外，林峯坦言藝員科是賺錢的部門，所以未受影響，對無線有盈利仍裁員被指欠缺人情味，林峯避忌地說：「相信大機構有呢個決定，之前係經過好慎重嘅考慮，公司都喺唔情願嘅情況下去做。」鍾嘉欣知道有相熟的同事被裁，問到藝人凍薪對她是否有影響？她說：「我喺宣佈凍薪前已經續咗約，當時有加少少人工。」而剛從多倫多回來的黃宗澤對於凍薪則笑說：「我喺多倫多有凍親，凍薪就真係唔知喇！不過我份約兩三年前續咗。」採訪：何慧斯、林惠卿攝影：陳慧安
錢嘉樂直言高層應減薪才顯得公平，對士氣也有幫助。
