本嚟欣欣都有戴太陽眼鏡遮住吓，點知人大咗就梗係眼力冇咁好啦，睇mon 嗰陣唔係咁夠眼，要移低副超，咁咪即刻出事囉！
台慶咁大件事，啲女星仲唔個個扮到鬼火咁靚大晒本錢咩？晒波、晒背、晒珠寶無所不用其極，不過已經上咗半邊岸嘅江欣燕，已經做咗阿太，梗係唔使學其他姐仔咁出晒力啦，只見佢台慶嗰日下午就已經著定件晚裝，原因係之前要趕拍TVB 處境劇《畢打自己人》，之後又要入廠，費事整嚟整去，所以咪著埋件晚裝去綵排囉！
晚裝襯拖鞋，已經騎呢，但點都唔夠個無眉look 嗱膽。
可惜，江欣燕做少咗樣嘢，就係冇畫眉。皮膚唔錯嘅佢，本來冇化妝都唔係好得人驚，但係冇眉呢吓嘢就幾難頂，加埋人字拖襯晚裝，咁前衛嘅打扮，唔係個個女星夠勇氣咁行出嚟，奉勸未有人認頭嘅姐仔，千祈咪有樣學樣呀！
