熊：我梗係好戲！（設計對白）
城：同我有得揮！（設計對白）
兩年來以低調姿態做「城嫂」的熊黛林(Lynn)，直至上月廿八歲生日，大搖大擺到「城宅」春宵三十三小時，才以行動將戀情全面公開。
城城何止御准公開關係，私底下更非常
緊阿Lynn 的處女作品《葉問》。電影未曾上畫，但城城已急不及待利用特別渠道睇晒成部戲，更力讚女友演技出色，預言阿Lynn 嗱硬下年最佳新人獎。
甄子丹為要演得神似，先減二十磅才開工，而從來未「掂」過詠春的他，亦學了九個月，十分認真。
要在戲中扮病人的熊黛林，由甄子丹餵食藥，七情上面作辛苦狀的她，又真係幾好戲。
電影拍攝期間，甄子丹（左一）跟杜宇航（右一）密密斟度招，而葉問長子葉準師傅（中）亦有俾意見，力求逼真。
城城大讚
熊黛林上週三（十一月十九日）出席電影宣傳時，自爆以後唔再提「郭富城」三個字，以免得罪廣告商。同一日，城城出席電影《殺人犯》記者會，亦夾晒口供唔講感情事，為保女友飯碗，隔空談情只好到此為止。
事事替女友著想，城城何止夠細心，知道阿Lynn 要殺入電影圈，更為對方做幕後軍師，正如她接拍功夫片《葉問》，都要等城城開綠燈才成事。
話晒女友第一次拍戲，「緊張大師」城城早前便透過特別關係，預先睇晒成套《葉問》。「佢（指城城）睇完部戲同朋友講，話估唔到阿Lynn 做得咁好，一啲都唔似新人，仲誇張到用精湛演技去形容，又話一定嗱到新人獎。坦白講，阿Lynn 唔係城城講得咁犀利，只係做得比較自然，老闆黃百鳴有讚過佢唔似第一次拍戲啫。」知情者說。
因為要做葉問，瘦身後的甄子丹在戲中明顯縮水，不過功夫依然有睇頭，絕無跌watt 。
真功夫
零經驗的阿Lynn 對外強調，全靠甄子丹即場教路，又有嗱過多屆世界武術冠軍、在電影中任武術顧問的杜宇航教功夫，無須向城城偷師。
事實上，耗資千萬美元製作的《葉問》，全部演員均以真功夫上陣，有功夫底的男主角甄子丹，為求逼真，開戲之前，專登花九個月時間學詠春，同時瘦身二十磅，令外形上更入型入格。另外，戲中一場二百多名老弱婦孺齊齊學詠春的大場面，全部人等均被安排集體學詠春一個星期。要求高，除執行導演葉偉信外，另外亦請來洪金寶負責動作導演，武打明星梁小龍胞弟梁小熊任武術指導，而拍攝期間，負責設計動作的詠春高手，三個月來每日緊守戲棚，監督整個拍攝過程。
功夫片通常陽盛陰衰，除熊黛林外，幾乎全部清一色係男人，其中池田博之（後左一）、任達華（後右二）、林家棟（後右一）、黃又南（前左一）以及樊少皇等（前左二）都要在戲中打到飛起。
獲得幾屆世界武術冠軍的杜宇航，除擔任電影顧問外，亦客串戲中一角，在圈中已經有啲「朵」的杜宇航，曾經教過陳茵媺功夫，在八月出任奧運香港火炬手的他，更特登嗱埋火炬到練武室，俾師妹見識同摸吓。
獨排眾議
將於聖誕檔期上映的《葉問》，由甄子丹飾演的葉問因熱愛武術，在阿Lynn 飾演的妻子張永成鼓勵下，以詠春大戰北方拳作為故事重心。葉問長子葉準看完影片後，大讚甄子丹及阿Lynn 演出父母的神髓，這也令獨排眾議，堅持起用阿Lynn 做女主角的導演葉偉信，放下心頭大石。
葉偉信最初提出搵熊黛林做女主角，大家都唔係咁認同，點知城嫂演技咁得，事後大家都讚導演有眼光。
賣口乖
