唔好咁×賤，得唔得！（真實對白）
23/116:45pm
家訓式幫各大傳媒「教仔」，大劉盡顯潮州怒漢本色。
李嘉欣曾經話過，最欣賞劉鑾雄的「霸氣」，但連日來因為舊愛結婚，遷怒於傳媒的大劉，卻發揮出無窮無盡的另類「霸氣」，在甘比Mayfair 寓所樓下，上演爆粗怒火街頭。
大劉餘怒未消，身邊兩位紅顏知己繼續奉命風騷。本週日呂麗君帶埋囡囡盈盈，陪同大劉以及劉老太，到福臨門三代同堂「復合」聚天倫；「坐月」甘比則帶埋細妹，到時代廣場shopping 。富豪吃不到的葡萄，味道一樣是酸的。
搵到撞車窗真兇，大劉老實唔客氣要對方上前稟告高姓大名，更恐嚇會叫老細炒佢魷魚。
識唔識講對唔住呀！
被男記者撞到「香肩」，大劉發火要求道歉，其實對方一早講咗「唔好意思」，大劉火燒心一時撞聾聽唔到。
大劉司機（右）要求週刊男記者用紙筆寫低全名，十足十細個俾班長摘名，慘！
風騷笑容
自上週二（十一月十八日），甘比以爆鈕皮褸造型，到福臨門上演產後真人騷後，緊接其後，輪到呂麗君出場。
第一站，呂麗君於上週六（十一月廿二日）中午十二時半，單拖到四季酒店用膳。手挽三十萬紫色鱷魚皮Hermes 手袋的她，全程面露笑容，眼神更對準現場記者所有的鏡頭，務求令各人有靚相交差。
到第二日（十一月廿三日）下午一時，當李嘉欣與許晉亨忙於為婚禮做準備，呂麗君亦奉命帶埋囡囡盈盈出動，陪同大劉到福臨門，跟劉老太飲茶。
早前被大劉公開數臭有錢身痕，鞠躬一百次都冇用的呂麗君，當日一家三口同車出發，令爭風呷醋風波，演變成「復合」天倫之樂。
大婆聲明終獲「原諒」，呂麗君笑容比前一日更燦爛，與不斷手握褲頭拉鏈位的大劉，一起拖住盈盈進入酒家。
1:00pm
一家三口同車去福臨門，其實大劉份人都算寬宏大量，一個月後已經「原諒」呂麗君。
右手拖住囡囡盈盈的大劉，左手不斷抽緊褲頭拉鏈位，舉動古怪。
2:00pm
三代同堂享受完天倫樂，呂麗君同盈盈走先，大劉照舊拖實阿媽上車送佢返屋企。
傳媒日夜採訪，大劉保鏢除了護主有責，仲要用相機同DV 拍低記者容貌和採訪車車牌，為大劉製作「傳媒私相簿」備用。
火爆街頭
上午陪完呂麗君，大劉在同日黃昏六時急趕下場，到Mayfair 探甘比。
傳媒爭先恐後霸位影相，其間有人撞到大劉座駕車窗。意外無人想發生，但氣沖沖的大劉，坐駕駛入Mayfiar 後馬上掉頭，決定要緝拿疑兇。
當大劉甫下車，便指手畫腳連珠爆發地說：「頭先邊個撞到我架車呀？」
連日來吩咐保鏢拍下記者容貌以及抄低採訪車車牌的大劉，收集下來的傳媒「X-file 」終於大派用場，更當場捉到「疑兇」，大嗌司機「報警」。
之後，大劉如同電影橋段、重案組審犯的口吻問記者隸屬邊間報館叫咩名，對方說：「我姓李。《東周刊》。」決定查根究底的大劉續問：「你講你叫咩名呀！你唔講，我叫你老闆炒你魷魚！我已經報咗警。」
記者從實招來，大劉最後大事化小，大劉說：「咁得啦！（叫司機）取消啦！（指司機）。」
雖然未有驚動警方，但大劉決定要「做嘢」，吩咐司機收集「兇手」全名。
20/11
去時代廣場購物，巨型頸巾加公仔晨褸打扮，甘比衣著品味雖然九唔搭八，起碼將肥腫體態重重包圍，唔怕出醜笑容份外好。
有細妹同行，甘比雖然想買戰利品，但睇唔夠一陣都係決定走人。
羽絨、大頸巾、襪褲、雪靴，冰天動地造型同大劉去福臨門食晏，產後身體差，怕凍都好正常！
21/11
保鏢人牆護甘比，確保她與車內的Pingu （下圖）及Pingi 情侶公仔，安全返去Mayfair 。
帶妹購物
緝兇成功，但大劉依然唔願走，企定定教訓傳媒採訪操守，其間，《東方日報》記者唔小心撞到大劉手臂，各人耳仔又再受罪：「叫咗你哋影還影，唔好碰到我……你哋唔使驚，我唔會郁手，你哋成班男人老狗，唔好做埋啲嘢咁×賤，得唔得！」
之後，大劉要求對方為撞膊事件道歉，但其實記者一早講咗「唔好意思」，火遮眼兼遮埋耳的大劉才拋下一句：「咁得啦！」接住才上車探甘比及當日滿月的甘比B 。
大劉難侍候，但深得歡心的甘比，因為「識做人」而令得寵指數不斷上升，更明知大劉份人愛面子，自上週二（十一月十八日）以爆鈕皮褸造型見人後獲外界劣評，精乖甘比於是以大褸大頸巾遮掩肥腫體態，力挽形象分。
上週四（十一月二十日），甘比成功避開樓下守候的傳媒耳目，穿上一件疑似訓覺著的晨褸，帶埋細妹到時代廣場的本地插畫家Carrie Chau 藝術展shopping 。
面對記者鏡頭，甘比大方露出笑容，但為免過分招遙，她與細妹逗留數分鐘後便離去，翌日中午，甘比以落雪look 護體到福臨門陪大劉食晏，繼續為大劉上演好戲。
