陳家瑛學足大劉阿徐爆康堤一年收一鑽

富商劉鑾雄近日連環出擊，先後以2.2億港元買了一顆重16.08卡、被鑑定為Fancy Vivid Pink的粉紅鑽石，及以4,860萬瑞士法郎（約3.7億港元）投得一顆重達12.03卡的罕有藍鑽石，兩顆珍貴鑽石均以甘比（陳凱韻）女兒Josephine命名為「The Sweet Josephine」及「The Blue Moon of Josephine」，年僅7歲的Josephine財產估計有12.61億，羨煞旁人。

甘比臨時缺席

甘比昨日原答應出席在中環置地廣場舉行的FENDI重開一週年派對，但因事臨時缺席，甘比好友徐濠縈、黃偉文、邢嘉倩、鍾浠文、王敏德（Michael）和太太馬詩慧（Janet）等均有到場。對於大劉豪送億元巨鑽畀囡囡Josephine，阿徐直言不感意外：「唔係第一次，劉生投資咁叻，呢個係投資嚟，佢好錫Josephine，咪用佢名落去囉。」問有沒有送鑽石畀自己女兒康堤（Constance）？她說：「我哋冇，但Eason經理人陳家瑛每年都會送一粒鑽石畀阿女，我都可以叫『Star of Constance'或『Star of包包』，我哋所有嘢都留畀佢，就算袋、鏈、真假嘢都留畀佢。」

徐濠縈自爆囡囡康堤每年都收到陳家瑛送的鑽石。資料圖片

大劉愛錫甘比女兒Josephine，連續兩日送稀世巨鑽。資料圖片
馬詩慧透露細女王曼喜將先返波士頓繼續升學，她解釋：「唔想佢嘥時間，有job咪由波士頓飛過去。我覺得佢太遲入行，好多女仔15、6歲就出嚟行騷，呢行好睇運氣，大把又靚、身材又好嘅女仔，而且New York較複雜。」問Michael有沒有送鑽石𠱁囡囡？他有點尷尬說：「暫時未有，等我成功咗一定會，𠵱家送啲新科技嘢。」Janet笑說：「我都未有，邊輪到佢哋？咁細細粒珠寶都有嘅。」

王敏德被問有沒有送鑽石畀囡囡，Janet笑言﹕「我都未有。」

此外，剛坐完月的曾昭怡透露女兒英文名叫Madison，她說：「𠵱家餵人奶，囡囡唔難湊，最難係叫佢起身食奶，因為太爛瞓。」

採訪：張俊銘
攝影：陳慧安
from:http://hk.apple.nextmedia ... 151114/19372152

阿徐拉筋有姿勢有實際，提早一星期備戰渣馬。互聯網圖片
徐濠縈和DJ Donald、HotCha前成員張惠雅（Regen）以及鄭融等跑步隊員，前晚深夜在街頭練習拉筋，準備迎戰本月17日舉行的渣打馬拉松。雖然未能預期眾人成績如何，但見他們一式一樣着上醒神運動上衣和緊身褲，整齊隊型已經加晒分。

事後Donald在電話中回應本報說：「嗰晚我哋主力係做心肺功能練習。有人話西隧嗰段路太斜好難跑，我反而最驚太濕！」他更笑言自己已多次游說鄭裕玲可以出山跑渣馬，奈何沒有成功：「佢5年前開始冇跑，我就5年前先開始跑，真係希望可以喺賽道上見到佢。」

撰文：王梓嫚
from:http://hk.apple.nextmedia ... 160106/19439870

現年41歲的徐濠縈前晚剛跟老公陳奕迅（Eason）一齊欣賞麥當娜香港站尾場演唱會，當時阿徐仍顯得步履輕盈，但昨日有報道指阿徐懷有身孕一個多月，更聲稱阿徐因大肚而絕迹上月舉行的渣打馬拉松。不過昨午阿徐極速在Ig貼相回應「跑返工，冇大肚」。還穿上全套運動服及緊身衣，力證沒有懷孕。
from:http://hk.apple.nextmedia ... 160220/19498247