噚日20位候選亞姐到訪山頂Silm Beauty ，即場進行皮膚測試，並由5號徐妮雅奪得完美肌膚大獎，佢話：「平時我都係洗乾淨塊面，而家會做多啲mask 。」19號王譽霖酥胸半露，非常性感。噚日亞視公佈最新網上投票結果，6號袁小曼繼續成為最高票數佳麗，佢話：「吓！仲係我，好開心，都係多謝傳媒。」袁小曼話因為有媽咪愛心湯水，令佢保持最佳狀態，佢又經常做挺胸運動，搽cream 去皺，佢話：「心口都會搽cream ，羅霖之前有教我哋做胸部運動，等個胸firm 啲！同埋我會搽cream 預防橙皮紋，雖然我而家冇，但係最近成日要著泳衣，布又咁少，都係要預防。」
幾位佳麗前晚夜蒲蘭桂坊，一名外籍男士自動請纓幫佢哋影相。
幾位候選亞姐喺酒吧消遣，唔少老外上前搭訕。
蘭桂坊影相
19號王譽霖著上大會安排嘅吊帶裙，身材玲瓏浮凸。
另外，前晚2號譚麗思、3號顏子菲、4號姚鳳鳳、5號徐妮雅同6號袁小曼到蘭桂坊夜蒲，到處拍照留念，引嚟唔少外籍男子駐足睇靚女，其間更有一名老外自動請纓幫幾位佳麗照相留念，之後佢哋去咗間酒吧消遣，晚上11點先至乖乖返屋企。
6號袁小曼（中）領先網上公投最高票數佳麗，第二名係5號徐妮雅（右），第三名係嚟自台灣嘅9號賴琳恩（左）。
