我先係金剛腿！（設計對白）
「大隻」廖碧兒努力提腿露紅底博取客戶歡心，唔一定要露咪咪先work 。
上個禮拜二（十一月十一日），無線動員過百藝人監製出席《2009無線節目巡禮》，實行以人海戰術冧各大廣告客戶來年放水。
所有小生花旦除咗忙於同客戶影合照，部分更要載歌載舞娛賓。當日最賣力，絕對係紅底短裙上陣嘅廖碧兒，雖然身形健碩，但由於有舞蹈根底，轉圈踢腿勁度十足。咁耐無劇拍，落力啲hard sell 都好應該。
無線六位中青小生剝衫騷假紋身晒肌肉，唯獨近來身形翻脹嘅馬德鐘，紋身圖案得啲線條顏色又淡，唔通唔夠時間畫？圖左起：吳卓羲、馬國明、馬德鐘、鄭嘉穎、陳鍵鋒、關禮傑。
舞技不如碧兒，楊思琦唯有盡現天賦本錢，晒肉取勝。
化妝前
中午時分各大小生花旦已經就位預備為節目巡禮開工，未趕得切化妝嘅Toby 梁靖琪，同吳卓羲密斟時，驚到要用頸巾遮面，十八無醜婦，斷估廿五都唔會……
化妝後
多次被指拍劇打機嘅林峯，拜神當日全神貫注玩手提電話，話之旁邊嘅伍詠薇同陳山
玩到癲。
為咗呢次大型活動，大家中午時分已經返到公司拜神做好準備，但由於部分女藝人未嚟得切化妝，拜神儀式上經常出現左閃右避鏡頭，尤其係Toby 梁靖琪，將條頸巾包到上個嘴，仲要加副大黑超，25歲女都唔敢以真面目示人，過多幾年你話點算。
