18/112:10pm
保鑣築起人牆，為攰到行路都訓得住的甘比開路，由於產後未修身，孖襟皮褸幾乎爆鈕，一雙肥腿仲著得入長靴，算好彩！
李嘉欣結婚了，新郎不是我的大劉劉鑾雄，校啱時間，趁對方飛到上海行婚紗騷，自己則留守香港做場好戲，安排產後未曾修身，腰腿肥腫難分的甘比（陳凱韻），到灣仔福臨門獻上產後真人騷。
一直足不出戶湊女的甘比，一雙熊貓眼擺明未抖夠，相比起待嫁入豪門、神采飛揚的李嘉欣，大有分別。
2:00pm
甘比準備出閘，十多名保鑣列陣將坐駕大包圍，保證無記者可以埋到甘比身。
2:16pm
五分鐘後返到屋企樓下，甘比已經訓住，見記者影相，出盡力擘大雙眼，可惜力不從心。
前後腳到
產後第廿六日，甘比終於現身。
本週二（十一月十八日）下午一時，身穿孖襟皮褸襯長靴的甘比，由十多名保鑣護航，現身「大劉飯堂」福臨門。
產後終日在家湊女的甘比，每日有大劉速遞愛心靚湯，坐月以來補品當飯食，甘比何止未完全修身，孖襟外套連衫鈕都扣唔晒；短裙下的一雙肥美肉腿，更凸顯肥腫難分體態。
甘比進入福臨門後，大劉亦緊接現身，無論現場記者不斷追問任何問題，大劉依舊扮「聾耳陳」，以箭步衝入升降機內。
約下午二時，陪同甘比前來的十多名保鑣開始「布陣」，以人肉圍牆包圍住甘比的坐駕，以防在場數十名傳媒有任何埋身機會。
2:20pm
確定甘比安全歸家，大劉同女助手便離開福臨門，第一集產後真人騷隨之落幕。
17/11
輪到甘比出場，暫時退下火線的呂麗君，喺前一日到白加道娘家探阿媽，一個鐘之後便返回大劉白建時道大宅。有傳本週日呂麗君會同大劉孖住出場，到時又有好戲睇。
閉目養神
過多十分鐘，甘比食飽飯落樓，飯氣攻心的她，攰到眼都擘唔大，尤其面對現場如槍林彈雨的閃燈，嗱住咖啡色Hermes 手袋的甘比，多次合埋雙眼迴避。
完成產後真人騷，甘比由一名保鑣跟車護航，返回Mayfair 寓所休息。
在短短五分鐘車程上，甘比爭分奪秒閉目養神，當車駛到Mayfair 樓下的斜路位置，傳媒即棄車跑上前影相，甘比才被閃光燈閃醒，但一雙如千斤重的眼皮，想撐都撐唔起。
至於大劉，亦於甘比返歸後與女助手離開福臨門。
舊愛李嘉欣大婚倒數之時，大劉編導演的頭條好戲，絕！
（《蘋果日報》圖片）
我有過牆梯
大劉新歡舊愛各自家有喜事，更校啱時辰一齊見報，究竟大劉做主角好？定係賀新娘李嘉欣夢想成真做豪門闊太吸引？
大婆宣言VS 結婚通知書
10月31日，呂麗君「私自發放」質疑甘比B 女親生父親身份聲明；同一時間，各大傳媒於婚姻註冊處發現李嘉欣與許晉亨的登記結婚通知書。
B 女滿月VS 大婚之日
10月23日誕下B 女的甘比，咁啱得咁蹺，11月23日李嘉欣正式成為許太，與甘比B 女滿月之期同月同日。
新娘子VS 大肚婆
11月17日，李嘉欣飛上海出席婚禮匯展，於18日穿上水晶婚紗會見傳媒；而喺同一日，未訓醒兼未修身的甘比，突然現身福臨門陪大劉食晏。
