當晚豐滿唔少嘅郭羨妮喺上由好友設計師Cecilia Yau 設計嘅開胸戰衣上陣，搶晒鏡嘅佢話：「件衫好通風唔係好性感，可以再性感嘅㗎！」上週六（15日）《萬千星輝頒獎典禮》賽果，一如賽前所料，《溏心風暴之家好月圓》連嗱六獎成大贏家，劇中Jo 飽（夏雨）同奸紅（米雪）嗱埋視帝視后，合晒心意。
賽果no surprise ，反而當晚做司儀嘅嘟姐鄭裕玲，句句寸爆阿姐汪明荃先係高潮，嘟嘟一言九「頂」，搞到成晚齋坐阿姐黑面扯火。
兩個加埋過百歲阿姐鬥嘴，間接益咗坐正阿姐後排嘅郭羨妮成焦點，開心口酥胸壓住阿姐個頭入鏡，搞到網友個個讚正。坐冷板都可以變風頭躉，谷底妮高招。
網友讚正
設計師爆真空！
Cecilia Yau ：「件衫係幫郭羨妮度身訂做，里面係真空，佢身材本身好，唔使墊pad 都可以做出效果，咁性感佢都肯喺，因為合作開互相信任。」
句句啄住
今年頒獎禮平均收視30點，比去年高1點，賽果總算大家happy ，不過唔開心嘅人大把，好似阿姐咁擺晒上面，都算少見。
阿姐汪明荃雖憑《野蠻奶奶大戰戈師奶》有份角逐「最佳女主角」，但大熱冇佢份，全程跟大熱荷媽冇交流不特止，加上惹火司儀嘟嘟辣火頭，鏡頭前話就話同阿姐最老友，但兩個鐘頭騷就寸足4次，句句夭心夭肺，阿姐就發晦氣
晒面。
忍唔住扯火嘅阿姐，翌日就對記者死撐，話賽果合理喎，兼且預先知道嘟嘟問題，「出嚟嘅效果唔係好好咩？」又話「當佢冇到」係預先安排好嘅台詞喎！
係咩？阿姐幾時變到咁識搞氣氛㗎？
唔只佢哋，公司嘅人都當我冇到。
第1寸︰當你冇到
節目中段，未到領視后獎時，嘟嘟已撩火頭：「個個都睇好司棋姐同米雪，當你冇到喎！」搞到阿姐火滾回應。
梗係唔讓，自己嗱囉！
莫非你唔鍾意阿姐？
哎
！慘啦！
第2寸︰冇人鍾意
之後嘟嘟問阿姐：「你咁德高望重，你讓畀邊個？」被連環寸嘅阿姐即時起火。
臨頒視后獎前，嘟嘟追問郭羨妮會讓獎給誰，她答：「米雪姐，因為我鍾意佢。」之後嘟嘟再擺阿姐上枱。
到嘟嘟上台問三位頒獎嘉賓揀視后前，嘟嘟先叫嘉賓行快嘅，明寸早前阿姐出席《奧運精英大匯演》時，喝金牌選手王峰行快嘅。
最初秋官睇好司棋姐嗱視后，嘟嘟即玩嘢問佢：「阿姐同你合作咁多年，都唔揀佢？」搞到阿姐即指住秋官，似係真介意喎。
第3寸︰行快嘅啦
出名搞爛gag 嘅盧大衛，一上台就話：「現時做藝人有行政層次時，就可以choose 角色，再可以揀邊個去配搭你，你話幾盞鬼！」
一向轉數快嘅陳志雲，上台後即搭住盧David 膊頭話：「多謝觀眾支時，無論你有冇層次都好，一齊參與！」
盧David 突然搞gag ，無線攝影師卻一味將鏡頭對住《家好》監製劉家豪（中），係咪唔夠膽影住陳總呀？
36秒之後先將鏡頭對番目標人物陳志雲，雖然陳總被寸，但對住鏡頭，依然要笑住撐。
暗玩陳總
唔只嘟嘟，連負責「最佳綜藝資訊節目」頒獎嘉賓盧大衛一樣寸爆嘴，一上台便話有行政層次嘅人，可以揀自己想做嘅角色，仲可揀誰去做拍檔，明顯寸無線翡翠台統帥陳志雲。雖然盧David 連陳志雲都敢玩，全場觀眾拍爛手掌不特止，就連嘟嘟都在旁偷笑拍手。
週一（17日），記者致電盧大衛，佢解釋：「嘅台詞我自己諗㗎，上得台梗係要風趣嘅，事後陳生都同我有講有笑，應該冇嬲。」
頒獎禮完後，劉家豪（中）及樂易玲即上前恭喜林
，錫到出面。
嗱唔到視帝已令林
失望，獲《tvb.com 人氣大獎》時再被蘇施黃咬手一啖，慘上加慘。
林[img]
[/img]知衰同夏雨爭「最佳男主角」的林
，賽前有傳他跟高層樂易玲去飯局傾獎，但最後都輸給夏雨，好彩無線亦錫住呢個親生仔，頒了兩個豬肉獎「tvb.com 人氣大獎」及「我最喜愛的電視男角色」給他。不過林
失望都睇得出，據知當日佢嗱完人氣大獎後，雞咁腳走去問樂小姐，視帝有冇機，搞到樂小姐唔知點答佢，惟有叫佢慢慢坐啦，咁樣講，都知冇行啦！
菊姐臨場踢出局
親生仔林
輸咗視帝，得個豬肉獎，點都好過親生女莎姨菊姐一個獎都冇呀，真係全晚齋坐。
年初有傳以500萬賣身3年嘅菊姐，雖然做咗親生女，加上嗱婆角色搶眼，不過一樣食白果，最離奇係公布最佳女角五強，竟然被out ，鍾嘉欣同郭羨妮反而攝入五強，點計數先？菊姐週一透過經理人回覆：「邊個嗱都開心！至於合約呢啲嘢係雙方誠意，公司協議同獎冇關！（係咪公布先知冇份入五強？）一開始都冇預計會入。」吓？咁又謙嘅
？
司棋姐拎咗我最喜愛女角色（「最佳女主角」），你覺得勝算會唔會高嘅？
好難嘅……（點解好難？）信心就有嘅……你問夏記（夏雨）啦！
冇晒mood
失落於最喜愛女角色，視后更加凍過水，菊姐知大勢已去，冇mood 樣浮晒上面，最真情流露都算係佢，起碼唔會假笑扮大方呀！
雖然有份角逐視后，不過，鍾嘉欣深明自己都係陪跑多，就deep V 谷盡胸，搶唔到獎搶吓鏡都好！
谷胸搶獎
視后最後五強由大熱米雪、司棋姐、汪阿姐角逐，奇就奇在莎姨竟然會輸畀谷底妮同鍾嘉欣，呢2位姐仔喺《金石良緣》同《古靈精探》角色叫乜名，都冇人記得啦！點及莎姨深入民心先？
回巢霸位 下年再爭過
頒獎禮完咗，輪到聽晚（19日）台慶柴娃娃，之後就會播
客用途嘅《09節目巡禮》。早於上週三（13日）錄影嘅巡禮，片段中發現唔少離巢老將回歸；另外最吸引梗係又講女人鬥鬥鬥，楊怡米雪阿佘嘅《宮心計》啦！老將回巢霸位，又有女人大作戰，下年頒獎禮，仲忙囉！
《飛女正傳》神奇女俠
一向唔賣肉嘅蔡少芬今次喺《飛女正傳》中最初扮演大籮平胸醜女，後尾變成識特異功能變身做wonder woman 打壞人。
《宮心計》老翻金枝
《宮心計》講述後宮爭寵，食《金枝慾孽》條水，換湯不換藥，故事中講述楊怡同姣佘原本係一對好姊妹，最後爭陳豪爭到決裂，嗱女怡今次仲做大奸角添！爆呀！
張家輝回巢價：8千蚊1集
《天與地》恐怖食人
《天與地》講述四個少年朋友攀雪山，意外被困，其間更為保命食埋受傷同伴，抄足外國N 年前舊戲《劫後重生》雪山食人肉。張家輝回巢拍住林保怡同陳豪，3個男人，好過《珠光》3姊妹喎！
呂良偉回巢價：1萬蚊1集
《金錢誘罪》疑似郭家
《金錢誘罪》擺明玩新地郭氏三兄弟故仔，呂良偉羅家良同馬德鐘做3兄弟爭權奪利，加埋瘦晒戚美珍同袁靚靚，唯一唔順眼係原先郭老太一角，竟由琴姐變咗薛家燕囉，拍《皆大歡喜》咩你估？
