汪明荃阿姐結婚7週年冇送禮

1^# 大中小 young 發表於 2016-6-7 00:58 發短消息

相關主題: 汪明荃

汪明荃（阿姐）昨日於九龍城出席保良局端午前夕探訪送暖活動，阿姐1988年擔任過保良總理，身為安老大使多年的她說：「最緊要老人家開心。」上月是她與家英哥結婚7週年，阿姐表示太忙沒慶祝也沒有送禮物：「我哋有視頻㗎。佢喺內地多活動，好似普通人一般，一放假就一齊，已經好開心，最緊要健康。」

是否每日一電？阿姐說：「有時唔止，會睇嚇佢同邊個食飯，唔想對方擔心。」她又透露明年入行50週年會大搞慶祝活動。

採訪、攝影：羅慧敏
from:http://hk.apple.nextmedia ... 160605/19641417

廷伸閱讀/相關主題推介:

相關主題:汪明荃

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 22:59 發短消息

汪明荃翻着2年前舊裙唔過時仲in得起

汪明荃雖然已經年屆68歲，不過着衫從來都不受年齡框框限制，而且更經潮牌上身，相比很多年輕一代有時更大膽有taste。

阿姐除了着衫有品味，原來仲非常環保。日前，她現身出席戲曲中心與上海戲曲藝術中心簽定合作協議的活動時，便身穿了兩年前錄影節目時穿過的連身裙，裙款屬於意國新晉品牌Stella Jean2014春夏系列，搶眼印花撞條子的設計，即使相隔兩年再翻着，亦完全冇過時感覺，不過阿姐今次冇搭配白色領，反而非常襯色地配戴一副粉藍框眼鏡，再加一對白色PVC涼鞋，效果青春年輕，又富夏天氣息。

更多時尚、美容新聞，即上：http://add.appledaily.com
from:http://hk.apple.nextmedia ... 160714/19693777

TOP

3^# 大中小 young 發表於 2016-8-10 07:10 發短消息

汪明荃提早賀69歲

汪明荃和羅家英九月中為福陞劇團演出，噚日喺觀塘宣傳，阿姐對日本文化情有獨鍾，話最想演出《蝴蝶夫人》，但每次想做總遇到中日外交問題，只好打消念頭。呢份情意結，𠵱家同家英哥一齊演出，戲中佢哋仲有和服造型出現。

大會又喺活動上，為今個月28日生日嘅阿姐，提早慶祝69歲生辰，阿姐話生日願望係身體健康，而佢生日嗰一日應該會喺綵排中度過。

撰文：馮仁昭
from:http://hk.apple.nextmedia ... 160809/19728274

TOP

4^# 大中小 young 發表於 2016-8-23 23:19 發短消息

汪明荃日本舞大派用場

汪明荃和羅家英將於下月演出《蝴蝶夫人》，阿姐昨在九龍城出席「愛心保單計劃」記招，阿姐早年曾在日本學藝大派用場：「呢個劇要跳日本舞，之前我喺日本都學過歌舞，再跳番都好有興趣，我已經約咗日本老師再學。」

另外，家英哥昨晚在高山劇場為「粵劇新星展II」擔任藝術策劃，他之前在布拉格拍戲時買水晶指甲銼給阿姐做生日禮物：「送咗都俾賊偷晒啦，啲火鑽都冇晒，唔再買，有陰影。」
from:http://hk.apple.nextmedia ... 160813/19734153

TOP

5^# 大中小 young 發表於 2016-8-23 23:48 發短消息

汪明荃

汪明荃噚日到港台接受訪問，撞正係佢嘅農曆正日生日，阿姐話老公羅家英要開工，估計都唔會收到驚喜。家英哥之前講過話希望阿姐少啲鬧佢，阿姐話：「唔係啩，關心佢都話係鬧佢？平時都係叫佢注意健康，唔好亂食嘢，早啲瞓，佢都好任性。」會唔會叫家英哥減少工作？阿姐話：「叫唔到，佢鍾意做嘢，有時拍戲都好輕鬆，反而做大戲壓力大啲。」

撰文：馮仁昭
from:http://hk.apple.nextmedia ... 160816/19737496

TOP

6^# 大中小 young 發表於 2017-7-27 19:58 發短消息

阿姐連任八和主席

八和會館噚日喺油麻地辦公室選新一屆主席同各組理事，結果由汪明荃（阿姐）全票當選做主席，佢老公羅家英就當選康樂組理事。阿姐話新一屆最重要大事，係由八和會館負責、明年底落成嘅西九戲曲表演場地試演，阿姐仲話：「好多前期工夫同準備要做，仲要開好多會，而且爭取咗咁多年，亦好期待呢個新場館啟用。」

撰文：馮仁昭
from:http://hk.apple.nextmedia ... 170721/20096197

TOP

7^# 大中小 young 發表於 2017-7-27 21:13 發短消息

阿姐讚陳文輝有威嚴

汪明荃與陳浚霆昨到屋邨探訪獨居長者。

汪明荃（阿姐）昨日以仁濟關愛大使身份，到馬鞍山出席「仁濟安老送關懷．愛心福袋賀回歸」活動，到屋邨探訪獨居長者。阿姐表示每年都會有很多機會探訪長者，見到長者們缺乏照顧感到心酸，但自己卻未能徹底幫助，阿姐續說：「當然最好就可以同仔女一齊住，可以照顧到老人家。」阿姐工作雖然繁忙，但她反而享受一個人獨處的時間，讓自己整治心靈。

對於日前傳出化妝師陳文輝病重的消息，阿姐說：「聽講佢入咗醫院，我哋合作咗好多年，一路都幫我化妝，佢打理梳化服都好有威嚴，訓練咗好多人出嚟，佢嘅仔女都做得好好，可以接班。」

採訪：張俊銘
攝影：沈健程
from:http://hk.apple.nextmedia ... 170726/20101197

TOP