汪明荃昨日坦言與女姐相識30年，但後悔沒有拜師學藝，失去提升唱功機會。
為紀念粵劇名伶紅線女（女姐）逝世一週年，女姐兒子馬鼎盛撰寫新書《我的母親紅線女》，以兒子角度側寫女姐生平點滴。馬鼎盛、汪明荃（阿姐）、羅家英及女姐契仔吳雨，昨日在灣仔出席新書記者會，阿姐坦言與女姐相識30年，彼此非常親近，很後悔沒有向女姐拜師學藝，失去提升唱功機會。馬鼎盛表示媽咪對藝術執著、認真，他說：「書入面有媽咪嘅歷史記錄，好好睇。」
吳雨談起結誼之緣：「女姐每次嚟香港我都陪佢上山頂食嚇嘢，有一次女姐見到條紅寶石水晶鏈好鍾意，後嚟我送咗條鏈做上契禮物，女姐就送咗條運動褲畀我，寓意富貴。」吳雨還讚契媽很有學習精神，想多瞭解流行曲就會去亞博睇演唱會，更會拿起雨傘揮舞。
撰文：麥萍萍
from:
http://hk.apple.nextmedia ... 141214/18968244
