港姐look
00年18歲的陳凱怡參加港姐，當年被指貌似朱玲玲，因而被視為大熱門。而呢屆冠軍係劉慧蘊，連奀星都冇做過！《忽然1周》圖片唔只《畢打自己人》彈起咗配角Marco ，《珠光寶氣》咁星光熠熠班觀眾反而留意到嘅配角仔。最近有唔少網友上論壇大讚飾演報販妹「阿靜」、喊晒口同黎姿呻自己落過仔先係關禮傑正印嘅陳凱怡，仲話佢好戲過「二妹」黎姿喎。
攻台look
08年1月，陳凱怡為往台灣發展改名叫陳思齊，貪其國語發音好聽，佢仲連形象都野性咗，岩晒台灣人口味。
好過「二妹」
陳凱怡喺《珠》劇入面做關禮傑嘅正印女友阿靜，因為幾場喊戲都鬼咁逼真，連網民都上討論區大讚佢演技好過「二妹」黎姿。
呢位陳小姐，原來喺00年參加過港姐，當時仲有翻版朱玲玲呢個花朵，雖然三甲不入，但就簽咗無線，今年初，凱怡仲改埋名叫陳思齊，近呢兩個月佢仲決定離開香港去台灣發展博一博囉，唔知佢知道自己做「阿靜」咁多人讚，會唔會後悔去錯台灣呢？
凱怡最近喺佢個blog 入面透露已飛到寶島發展，仲話識咗好多新朋友，似乎幾開心喎！
凱怡（右）上年有份喺徐子珊（左）
飛嘅《學警出更》演出，佢唔單只要剷短頭髮，仲要扮大肚婆，不過佢話都係做《珠光》有難度嘅。年初佢未離開TVB 時話：「個角色因為比較成熟，同我做開嗰嘅刁蠻小姐唔同。」
