劉嘉玲今晚以武則天一角問鼎金像影后，她前晚拖着奶奶亮相珠寶晚宴，踢爆媽咪、奶奶的珠寶首飾，都由老公埋單，笑言戥偉仔辛苦。嘉玲對影后得失輕鬆面對，坦言當參加遊戲。
劉嘉玲前晚在九龍出席卡地亞高級珠寶晚宴，穿上Isabel Marant單肩裙、超高Christian Louboutin高跟鞋的她，戴上近億元黃鑽首飾，性感高貴，更出動奶奶、梁朝偉媽咪助陣，份量十足。
爭影后當遊戲
劉嘉玲謂會揀珠寶孝敬奶奶，她笑着說：「佢個仔會埋單o架喇，女人係鍾意睇珠寶，家afford得起，年紀越大，鍾意越大件。」嘉玲指自己媽咪比較樸素，但偉仔也會照送，她說：「偉仔買珠寶要買兩份，幾辛苦，份量都差不多，應該錫（偉仔）媽咪多啲。」她謂奶奶都把家傳首飾送給她。
今晚劉嘉玲會憑《狄仁傑之通天帝國》的武則天問鼎金像獎影后，她說：「唔緊張，好似遊戲咁。」她謂未知梁朝偉能否爭取回港出席，嘉玲被視為大熱，她說：「係我咩？好多大熱門喎！我慣咗呢啲壓力，我handle到。」她謂如果能夠封后，希望周潤發能成為影帝，她說：「《孔子》我有睇，其他就冇，我哋唔同年代，但都係歷史人物。」劉嘉玲今晚會穿上Versace白色雪紡晚裝作戰衣，配卡地亞珠寶競逐金像獎最佳女主角。
雷太無意再生
此外，前晚同場的還有何超瓊、馬清揚錢慧儀夫婦，昨日生日的九巴太子雷兆光也有出席，場內已有不少朋友跟他預祝，他笑言想再要BB做禮物，太太雷林靜怡則在旁邊叫停：「冇咁嘅計劃。」
採訪：梁錦雯攝影：陳俊強
http://hk.apple.nextmedia ... ;av_id=15174793
