Chanel 手袋$22,300、Gucci 行李袋約$6,000
自從今年1月爆出藝人淫照事件後，所有涉案「主角」包括陳冠希（Edison ）、陳文媛（BoBo ）、張柏芝、鍾欣桐等隨即人間蒸發。之不過醜婦終須見家翁，避得一時避唔到一世，各位主角已相繼「蒲頭」，惟獨是Edison 的前正印女友、獲曾志偉公開力撐：「我最同情就係BoBo ，因為當時佢哋真係情侶。」受害BoBo 就一直潛水，下落不明。
有說BoBo 隱居美國，亦有說BoBo 已結婚生仔。失蹤接近10個月，本刊卻發現BoBo於上週五乘坐富豪密友的私人飛機秘密返港，淫照最後一位主角最終都要回歸。
問Edison 扁嘴養尊處優近10個月嘅BoBo ，落機後返回北角半山寶馬山花園。當日喺住斗令踭嘅BoBo 雖然不施脂粉，但皮膚白滑，身形亦纖瘦，完全唔似外傳佢剛剛產子。記者問她在美國有沒有仍跟Edison 聯絡？她即時扁扁嘴未有回應。
14/118:25pm 富豪落機一架從溫哥華返港的私人飛機降落，金紫耀老闆兼老友莊友堅跟友人先步出機艙。
8:30pm BoBo 現身緊接莊友堅之後，身穿白色羽絨外套嘅BoBo 與男友金紫耀亦從機艙步出。
闊太上身一行人齊齊離開私人飛機停機坪，登上預先準備好的座駕。雖然未正式嫁入豪門，BoBo 已經十足闊太咁有專人抬行李上車，唔使佢郁手。
老細同車一頭白髮的莊友堅（左）亦跟BoBo 及金紫耀一同乘七人車返回位於北角華匯中心的威利國際寫字樓。
《忽然1周》圖片
反轉豬肚BoBo 自01年開始跟陳冠希傳緋聞，傳聞因Edison 花心，二人經過多次離離合合。04年正式分開後，BoBo 更於訪問中說：「唔想提佢。」誓要與Edison 劃清界線。
轟動全港今年2月22日，淫照事件後潛水差不多1個月的Edison 專程由美國返港舉行記者會，他除宣布退出娛樂圈及對多位「女主角」道歉外，更說淫照是由他拍攝，是屬於他的私人物品，自此沒有傳媒刊登淫照。
金紫耀發現記者後，顯得相當驚訝。當晚二人均拉喺多件行李，另私家車上還有兩大箱，睇嚟BoBo 真係決定返港長住，唔再避世。
與陳冠希的三年情結束、演藝事業又不見起色，有傳BoBo 原本與拍拖兩年的的金融才俊、現為威利國際董事總經理金紫耀打算於今年8月結婚。但本刊獲悉，其實二人原本預訂了香港四季酒店今年四月的酒席，就在BoBo 差嘅上岸之際，婚禮舉行前兩個月（1月28日），突然爆出藝人淫照事件，有傳二人的婚期在金紫耀父母大力反對下無限期押後，BoBo 更從此「人間蒸發」。
上週，有報道指BoBo 已跟男友低調結婚，最近更產下兒子，安心在美國定居兼相夫教子，但BoBo 的身邊人卻向本刊證實，BoBo 唔單只冇結婚冇生仔，更會秘密返港。
為避記者，BoBo 跳上男友的平治避答記者的提問，車廂後座仍有兩大箱行李未拎上樓，睇嚟BoBo 今次返港都有排住。
鬼鼠返港上週五（14日）晚，一架從加拿大溫哥華起飛的私人飛機在香港機場私人飛機停機坪降落，數名乘客從飛機步出。率先步出的是著名馬主兼有股壇「玩家」之稱的莊友堅，緊接其後的就是莊的死黨兼得力助手金紫耀及其女友BoBo 。
他們一行七至八人，於私人飛機停機坪分別登上三部預先準備好的私家車。一行人先返回威利國際位於北角馬寶道的大本營，金紫耀與BoBo 到達威利後，隨即到停車場坐上金紫耀泊在停車場的平治座駕，再雙雙返回二人一直租住、位於北角半山寶馬山花園的愛巢。
離港接近一年，身穿米白色羽絨褸和尖頭高踭鞋嘅BoBo 身形和樣貌都跟以前分別不大，搭完十多小時飛機的她更顯得精神奕奕，二人返到寶馬山花園停車場便齊齊拉行李準備上樓。
品味一致
BoBo 上平治暫避後，金紫耀惟有一個人拖住大包細包自行上樓。他當時
喺新買的MacBook ，咁蹺Edison 「出事」嗰部都係MacBook （右圖），分別只係顏色同型號，估唔到佢兩個品味咁一致喎。
Apple MACBook
冇生仔據了解，曾留學美國三藩市的金紫耀經常到美國三藩市度假，淫照事件爆發時，BoBo 正與金紫耀於三藩市度假，兼為將在今年四月舉行的婚禮準備，但淫照事件爆發後，金紫耀被迫將酒席撻訂，BoBo 亦索性暫時隱居三藩市避一避風頭。
據知，BoBo 留美期間，金紫耀亦要返港工作，不過每隔一段時間，金紫耀都會到三藩市探女友，直至最近半年，金卻以忙碌為由，冇探BoBo 。不過EQ 甚高的BoBo唔單只完全冇詐男友型，即使外界傳佢結婚生仔，佢亦冇跟外人透露半句，知情者說：「佢哋冇結婚亦冇生仔……佢男朋友脾氣都幾火爆㗎，但BoBo 好識得氹佢，所以發生咗嗰件事（淫照事件）佢哋都冇事。」
婆婆爆粗︰你兩個×街！
BoBo 外婆發現記者後，即衝返住所大堂，更指住記者大鬧。
BoBo 離港前常用的紅色Mini Cooper 座駕，至今仍原封不動，停在其杏花
娘家停車場。
匿埋車廂BoBo 一心諗住搭私人飛機返港一定密
，當晚記者趁BoBo 跟男友駕車到達北角寶馬山花園後，便上前問她為何選擇現在返港，記者連續問她：「你有沒有結婚？」「仲有冇同Edison 聯絡？」表現冷靜的BoBo 一聽見Edison 的名字即扁了扁嘴，其後對記者提問一直垂低頭，沒有回答。
金紫耀見女友甩唔到身，更即刻問女友「You want the key ？（你要車匙嗎？）」，讓女友躲在座駕上避記者。
記者連日於寶馬山花園守候，卻不見二人出入。星期六（15日），記者於BoBo 娘家杏花
，發現她的外婆外出散步，於是上前問她知不知外孫女秘密返港，外婆一見記者就爆粗，「你兩個X 街，因住俾車車死呀！」
外孫女被害到藏頭露尾，唔怪得婆婆激心發嬲嘅！
億萬密友BoBo 男友金紫耀（Philip ）現為威利國際控股有限公司嘅董事總經理，主要負責金融投資，而威利國際嘅主要股東就是今次跟BoBo 及金紫耀齊齊坐私人飛機返港的莊友堅。
跟金紫耀相識十多年的莊友堅除了是股壇資深投資者，亦是多間證券公司的揸弗人，包括中南證券及Capital Union Inc.的董事。他的中港業務包括金融、廣告、地產界等，身家估計達3億元。
而曾為保良局理事、亦是現役馬「威利多多」及「威利來」馬主的莊友堅亦跟娛圈中人稔熟，多年前，他就豪擲50萬為前亞姐陳奕詩搞生日會而跟對方傳新聞。86年他由美國回流返港後，多次幫大劉（劉鑾雄）嘅華人置業配股包銷而跟大劉結為好友。他亦因養馬關係，認識阿叻陳百祥、曾志偉，跟當年簽約為阿叻公司Star East 旗下做歌手嘅陳文媛好有淵源。
《蘋果日報》圖片
幫解圍今年9月，莊友堅（右）孖住金紫耀入馬場，其間金被記者追問跟BoBo 何時結婚，莊友堅即幫對方解圍說：「我哋搞基㗎，你信唔信呀？」
《蘋果日報》圖片
拉頭馬07年5月，莊友堅（右三）愛駒「威利來」贏得賽事冠軍，他即搵金紫耀（右二）及BoBo （右一）齊齊拉頭馬，可見他對二人相當重視。
5欠1雨過天青自今年1月28日爆出淫照事件至今差不多10個月，男主角陳冠希宣布退出香港娛樂圈，避走美國，上月頭仲缺席香港法庭應訊，繼續留美避風頭。
BoBo 有男友陪住返香港，而其餘五位女主角，包括張柏芝、楊超成女兒楊永晴、女模顏穎思、前歌手陳思慧和落選華姐陳育嬬都已重新投入新生活，惟獨阿嬌事業全面插水，已演出未上畫的電影戲分更被刪剪，復出遙遙無期。
網上圖片
風流快活今年9月，已避走美國嘅Edison 現身紐約Marc Jacobs 時裝騷，其間有唔少身材標青嘅亞洲索女埋身，佢都來者不拒，仲對住鏡頭單眼，勁抵死。
楊永晴 打風唔甩潛水期：164日
陳冠希正印女友、楊超成女兒Vincy 事發後繼續留在Edison 身邊。正在波士頓讀大學的她，今年暑假返香港喺拍賣行做暑期工，手上仍戴喺男友送嘅定情卡地亞情侶
。9月仲被發現陪Edison 於紐約行街街（左圖），打風打唔甩。
《蘋果日報》圖片
阿嬌（鍾欣桐）全面撻Q潛水期：15日
淫照曝光後15日，阿嬌喺記者會發出「天真」論被轟，接喺上無線慈善騷《雪中送暖》惹來接近1千5百宗投訴，隨即潛水3個月學英文兼學跳舞。阿嬌於淫照爆發前接下的廣告已全部被抽起，原定由她夥拍吳尊的《武俠梁祝》改由阿Sa 頂上。連隨舊年拍落嘅《梅蘭芳》及片中客串肚皮舞女郎的西片《W 》亦證實會刪去她所有戲分，冇工開的阿嬌，早前就到了四川賑災，順便「洗底」。
張柏芝 幸福少奶潛水期：70日
事發後一直匿埋湊仔嘅柏芝，4月中抱埋乖仔Lucas 赴泰國陪老公拍《風雲II 》。一家三口最近仲搬埋去市值近億元嘅南區獨立屋，上月中柏芝更孖住老公喺ifc 飲下午茶晒恩愛，霆鋒仲話想追多個女。
台灣《蘋果日報》圖片
顏穎思 回歸校園潛水期：103日
淫照傳出初期，Rachel 顏穎思曾公開否認係女主角之一，但第二輪有關疑似佢嘅淫照流出後，即避走香港。直至5月，剪咗短髮嘅顏穎思被發現跟友人喺ifc 食飯，據了解，她已離開模特兒界，回歸校園攻讀法律課程。
《蘋果日報》圖片
陳思慧 依然恩愛潛水期：265日
前女歌手陳思慧原定今年4月跟建築師男友Larry （王立賢）於洲際酒店擺百萬婚禮，但最終取消，上月中陳思慧被發現拖實男友喺觀塘apm 拍拖買內衣，隨即由Larry 揸車載返曼克頓山愛巢，感情未受淫照拖累。
網上圖片
陳育嬬 嫁作人妻潛水期：未有露面
01年落選華裔小姐陳育嬬，淫照事件後一直未有露面。據了解陳育嬬多年前已嫁了一位澳洲籍的醫生，並定居澳洲布里斯班，於一間美容學校任導師，生活寫意。
