俾隻燒豬隔住一條河嘅陳豪，含情脈脈咁注視住廖碧兒嘅一舉一動。
往年無線為吸引客戶而搞嘅《節目巡禮》都係喺台慶之後11月尾至舉行，今年就提前到喺周二（11月11日），仲出動111位藝人「拉客」救市。無線今年的確不容有失，莫講正式演出夠大堆頭，連下午綵排時，亦罕有咁90%藝員都有出席。最矚目嘅，除咗有份爭獎嘅藝人之外，當然係嘅緋聞情侶啦！
佢係我嘅女神，我會永遠默默咁守望佢！（設計對白）
當晚廖碧兒喺上緊身運動衫，以逼爆身材大跳勁舞，搶盡鏡頭。
被傳俾無線雪藏，其實拍廣告豬籠入水嘅廖碧兒，可以話係最風騷嘅女藝人，周圍撩人傾偈。到總經理陳志雲企正喺通道中間切燒豬時，廖碧兒一早就霸定好位，同夏雨等人玩到癲。最抵死嘅係，一向唔爭頭位嘅陳豪，竟然非常罕有咁攝咗喺河嘅另一邊，含情脈脈咁注視住廖碧兒嘅一舉一動。
其實佢兩個一時默認拍拖，一時又話分手，全部都係廖碧兒做主動，難得陳豪又肯配合。有個咁癡心嘅「好朋友」，廖碧兒又的確笑得落嘅。
