自己存異心 勸人飲水思源霆鋒叫梁洛施咪搞咁多嘢
梁洛施（Isabella ）與英皇的合約官司糾紛已獲解決，與英皇有長約在身的謝霆鋒坦言對Isabella 有少少失望，又指做人要飲水思源。但有傳霆鋒在2012年約滿後，會自立門戶不再續約，對英皇也有離異之心。
由驕陽電影製作的電影《奪標》前晚在圓方舉行首映禮，不少圈中好友來捧場，主角之一的張衞健與妻子張茜出席，還有謝霆鋒、許志安、梁漢文、玩具大王蔡志明及英皇老闆楊受成等。席間在場記者欲採訪楊受成，他即笑笑口說：「冇嘢講。」霆鋒則單拖而來，他表示因為太太張柏芝要湊仔，而且天氣凍，因此不出街。
梁洛施資料圖片
梁洛施13歲與謝霆鋒合作拍廣告，當時的她還未改名，仍叫梁樂瑤。資料圖片
對梁洛施失望
張衞健和太太張茜當眾打情罵俏大晒恩愛。
霆鋒也有留意梁洛施與英皇的官司問題，他說：「我有少少失望，梁洛施13歲時候，我同佢合作過拍廣告，估唔到變成要打官司。我係對事唔對人，唔會企喺任何一方，而家樂壇、影壇同香港人處於不景氣時期，唔好搞咁多嘢，咁對藝人都唔好睇，做人要飲水思源，呢啲係人生道理。」記者問他是否覺得Isabella 不對，他說：「大前提我係細路仔，唔知乜事，小事化無就最好。」霆鋒與英皇也有長約在身，他說：「我唔係長約，只係加簽咗。」對於有傳他約滿後自立門戶不再續約英皇，他說自己一向有公司，不過英皇給很大自由度。記者再問他的合約年期，他表示到2012年止，尚有約三年半。問霆鋒在金融海嘯片酬可有被壓價？他說：「冇喎，仲加咗啲，其實有好多人搵我哋一家三口拍廣告，都推咗4、5個，我想小朋友過啲正常啲童年生活。」霆鋒早前以一億元購入獨立屋，現在可變成負資產？他說：「我一向都負資產，我間屋冇跌價，仲有人高價想叫我賣，不過我又唔係富豪炒樓，我係為家人咁做。」同場的張衞健和張茜正籌備婚禮，消瘦了的張茜與健仔當眾打情罵俏，健仔說不明女仔一定要瘦才靚。張茜撒嬌說：「你而家先嚟嫌棄我太遲咋。」現在有關婚禮一事由張茜處理，並親自設計婚紗，早前健仔又送幾卡鑽戒給太太。
吳浩康踩多腳
此外，吳浩康前晚到九龍灣，擔任女友莊思敏主持的網上電台節目嘉賓。對於梁洛施與英皇庭外和解，吳浩康說：「呢件事我點敢返公司問，其實我同佢只合唱過一首歌，同佢唔係咁熟，所以冇乜同佢聯絡。」提到梁洛施要拍自傳？他說：「吓，咁咪幾分鐘就拍完咋。」採訪：魯萍、藍嵐 攝影：仇志德
謝霆鋒指稱對梁洛施有小小失望，並認為做人要飲水思源。
