2R 抵冷性感衝刺
組合2R 、吳日言、鍾麗淇與傅穎等昨日出席在薄扶林舉行的港台節目《食都要高清》啟動儀式，近日天氣轉涼，不過2R 無懼寒風，依然以背心短裙示人搶盡鏡頭，兩姊妹笑言今次是最後一擊，妹妹Race 說：「一早預咗著呢套衫，所以點都要著，我之前著樽領衫，又俾人話太誇張。」
Race 率先獨立發展
發福不少的Theresa （左）與鄭融介紹健康食品。
Race 表示最近忙於練歌、彈琴和作歌，因為下月將會首次作個人表演，心情大為緊張，Rosanne 說：「佢日日喺屋企練歌，嘈到死，不過身為家姐都要支持佢，到時我都會喺台下撐佢。」雖然被妹妹搶閘作個人發展，不過她毫不介意並說：「我唔急，我有其他嘢搞緊，不過未可以公佈住。」此外，Theresa 昨日介紹健康飲食，不過她卻發福不少，問她廚藝如何？Theresa 說：「我最叻煮中菜。」還透露每個男友都試過她的手勢，問她可有為緋聞男友林孝賢下廚？她即說：「冇喎，佢都唔係我男朋友。」採訪、攝影：胡比
Rosanne （左）與Race 齊齊以背心短裙上陣，更笑言要趁冬天來到前著盡夏天衫裙。
