敏妮Talk ：逆境自強
前晚相信係一眾阿仙奴躉最興奮嘅一晚，因為遇強越強嘅阿仙奴贏波。呢場球賽對於敏妮嚟講，唔止係贏波咁簡單，更有另外兩重意義。首先要講死硬派阿仙奴躉Mr.B ，扒冷落注買阿仙奴贏，除咗由於作為擁躉嘅情意結，佢話呢場波值博率高。原因係，阿仙奴主場，莊家好少開出讓球盤，即係你買阿仙奴贏，即使佢贏唔到，只要冇輸，即係打和，你都可以嗱番錢。佢認為呢個係「筍盤」，就好似匯豐雖然已經跌咗好多，但市賬率低過1嘅情況好少見，買入嘅值博率高。
投資要睇值博率
即使家陣阿仙奴贏咗，敏妮仍然對呢個睇法有保留，因為投資匯豐可以睇長線，但買波90分鐘就定生死，即使加時都係幾分鐘嘅事，兩者好難混為一談。不過，習慣用呢個技巧分析係咪值得投資，亦都值得參考。至於另一重意義亦係敏妮鍾意阿仙奴呢隊波嘅原因。就係教練雲加一向都唔信球星，佢寧願用平價買啲年輕球員，訓練佢哋兼貫輸team work 嘅精神。曼聯有球星朗尼、C 朗，但表現一般，反映星級球員唔一定係贏波保證。
團結好過單打獨鬥
其實喺商界、職場亦都一樣，好多機構都有好多要員，但如果單靠呢啲「要員」單打獨鬥，就算佢哋幾咁有料，都有
嘅時候。相反，一班唔係好標青，但識得互相補位嘅員工，發揮嘅作用未必差得過星級要員。諗諗吓中國人真係好有智慧，你冇聽過三個臭皮匠，勝過一個諸葛亮咩。家陣金融海嘯，好多企業裁員或者考慮裁員，如果一班能力只是一般嘅員工，能夠團結合作發揮效用，未嘗唔係自救嘅一個好方法。溫敏妮http://wanmanli.com/blogs/
個人球技幾好，都要有隊友配合。資料圖片
