阿姐玩得好投入，同戲迷搶錢絕冇留手。
平日俾人感覺又惡又嚴肅嘅阿姐汪明荃，原來喺某嘅情況之下，會有另一個樣出現。
早前八和會館喺高山劇場舉行《香花山大賀壽》粵劇演出，好多粵劇界嘅名伶都有出現，身為八和會館主席嘅阿姐當然有份出席。當日佢一早到場不特止，仲全程四萬咁口，同平時個嚴肅款，簡直係判若兩人。到台上演員大派據講嗱到會帶來好運嘅金錢時，阿姐仲同嘅戲迷打成一片搶埋一份，十足十大細路一樣。
當日同場仲有近期人氣急升嘅粵劇前輩
李香琴，佢同阿姐一齊搶金錢時，一樣相當投入。
到男友羅家英演出完，企喺虎度門睇其他表演時，阿姐即刻攝喺家英哥身邊，仲擺出一副小鳥依人姿態，咁柔情似水嘅阿姐，真係難得一見。
