Toby 曬住36C 身材接受記者訪問時，話嫌胸大想縮胸。父母俾咗咁好嘅條件就珍惜吓啦，幾多名模女星又隆又拆，幾辛苦呀！女人有本錢都要識用，仲要睇吓用得靚唔靚。
擁有36C 上圍嘅梁靖琪（Toby ），上星期四（10月30日）出席汽車活動。平時密密實實嘅佢，可能為咗爭飛躍進步獎，突然賣大包，喺咗條低胸裙出席。忽然一露，搞到企喺旁邊兩個名模Lisa S.同Anna R.即時要行埋一邊。
Toby 雖然有前有後，但點知一轉身就見背脊嘅bra 帶痕。肉背多條痕，即刻扣分。但好彩佢助手醒目，即時幫佢補吓粉遮掩吓。又好難怪，Toby 之前仲好似細路女咁成日黐埋嘅uncle 度。依家一夜長大，好多嘢都未有經驗，如果唔係，成晚笑容同甫士都唔會咁生硬啦！
可能好少可肉搏，Toby 背脊成條bra 帶印都唔記得補粉。
結果要助手當眾幫佢整，幾狼狽。
