王菀之病倒軒仔呵護

王菀之病倒軒仔呵護
  
王菀之（Ivana ）和謝安琪（Kay ）前晚到尖沙嘴出席《號外》雜誌舉辦的「華人創意先鋒大獎」，兩人皆成為華人創意先鋒大使。Ivana 表示稍後到雲頂擔任任賢齊演唱會的嘉賓，Ivana 的家人也會同行，她說：「聽聞當地多靈異嘢，所以叫埋家人陪。」她又不忘大讚緋聞男友張敬軒，她表示日前不適，第一時間找軒仔，他二話不說陪她看醫生。Ivana 說：「佢又爭畀錢，又買嘢畀我食，仲同醫生傾病情，佢好gentleman ，我搵佢係因為大家住得近，我又唔想屋企人擔心。」問是否對軒仔加分？Ivana 坦言很感動，但絕不會以身相許，她直言雙方關係跨進一大步，但仍不是男女朋友的關係。
軒仔喊驚

軒仔昨日出席活動時坦承陪Ivana 看醫生，他認為朋友之間應互相幫助。
軒仔昨日到黃埔出席活動，對於Ivana 稱讚，他說：「佢真係病得好嚴重，幫到手咪幫，不過佢真係好為食。」對於Ivana 表示每次病倒都第一時間想起軒仔，他聞言笑說：「吓咁驚，我係佢保險公司。」採訪：胡比攝影：黃文偉、仇志德
 

Ivana （右）和Kay 同時成為華人創意先鋒大使，Ivana 更穿上自己設計的圖案上衣。