鄭融對女仔冇Feel
鄭融、洪卓立、陳偉霆（William ）及黃浩然等昨日到港台出席廣播劇《火星人》的宣傳活動，William 和黃浩然會在劇中聲演一對同性戀者，更大膽地用聲線演繹濕吻和做愛的親熱場面，兩人昨日在記者會上率先手拖手及作狀親吻，十分搞笑。鄭融在新片《玩大咗》中，會與趙碩之及William 各有感情線，鄭融大讚擁有36D 上圍的趙碩之身材好，她亦不介意與對方拍攝親熱鏡頭，至於現實中有否吸引過女同性戀者追求時，她就即笑說：「梗係冇啦，我太直，我太鍾意男仔，對女仔冇感覺，如果真係要拍同性親密鏡頭，我就寧願揀唔識嘅對手，如果太熟就想一巴打埋落去，我最想魯芬做我同性戀嘅對手，因為佢好man ，令人好有安全感。」
黃浩然願露何B 仔
陳偉霆（右）和黃浩然在記者會上作狀扮錫，十分搞笑。
洪卓立、William 和黃浩然都表示接受拍攝同性戀戲，黃浩然說：「拍戲OK ，自己尺度冇限制，露何B 仔都得，拍戲冇底線。」在旁的洪卓立亦即時附和表示如果清場拍攝，自己亦願意露何B 仔，不過及後才補鑊說：「拍戲可以做到平日做唔到嘅嘢，只要公司肯我就肯。」採訪、攝影：駱華齡
鄭融在新片中與趙碩之合作，大玩同性戀。
