趙碩之全晚飛吻
身扭S 腰，可惜佢件入膊裙封晒成個心口，慳番啲力水算啦！
上星期五（10月31日）係一年一度嘅「哈囉喂」，一向爛蒲爛玩嘅FBI 當然四出扮鬼湊吓熱鬧。星期五扮完嘢，星期六（1日）FBI 就去咗無線《翡翠歌星賀台慶》，成班歌星食住「哈囉喂」訓身扮嘢，眼利嘅FBI 留意到學人做歌星嘅「36D 」趙碩之呢晚同師姐戴夢夢一齊扮筷子姊妹花。
一向賣胸嘅趙碩之著住件包到上頸嘅珠片裙梗係輸晒啦，但勝在夠厚顏，見扮「魔盜王」嘅孫耀威成為攝影焦點，佢即刻撲上前撩傾偈，點知魔盜威當佢透明，繼續扮Johnny Depp 碌大對眼嘟嘴，難得趙碩之賴死唔走，仲企定定等記者影晒佢相先慢慢撤退，咁搏命，我FBI 都要寫個「服」字畀佢啦。
睇準出擊
趙碩之見扮魔盜王嘅孫耀威成為傳媒焦點，即時從人群中跑出嚟黐影相。
死齒唔放
趙碩之捉實老孫同佢say hi ，但老孫只顧「嘟」嘴扮Johnny Depp ，完全唔理趙碩之。
可以走啦！真實對白
主持驅趕
見師妹咁搏，連師姐戴夢夢都唔執輸攝上前合照，2人可能影得太高興，搞到要主持周子駒（右一）出聲：「姊妹花可以走啦！」先肯落台！
扮錯band 友
關心妍以加拿大rock 女Avril Lavigne 造型贏出「扮嘢后」，不過網友都唔覺得佢似Avril ，反而覺得佢似《爆粗band 友》男主角松山研一多啲。
肥矮童子
王祖藍一向扮嘢到家，今次扮Boy George 當然難唔到佢，佢見到FBI 仲第一時間扮佐治童子招牌高潮眼，所有傳媒即時笑爆嘴。
處女罅
乖乖女鍾嘉欣當晚扮尤物瑪莉蓮夢露，笠個金毛假髮同deep V 裙，露出大條深坑，唔贏都引死仔啦。
