【孟婆耳語】
鬼屋2：瞓身陰曹地府
以頭七為元素的限制級鬼屋「H15」，美棋BB及林熹瞳要單獨試玩，全程躺在靈床上經過靈堂上的車頭相、孟婆耳語、燒溪錢、被火化等死後生活。孤軍作戰後，她們異口同聲表示期間有半分鐘的靜止時間最得人驚，林熹瞳說：「真係有一秒flash back返，又會諗自己呢刻最掛住邊個，會認真去感受。」
【仵作引路】
美棋BB笑言大部份時間合埋眼：「就算合埋眼啲聲都好恐怖，同埋會不停有人同你講嘢又會掂你，真係好逼真，我瞓到上床已經好叻㗎啦。」兩人更笑謂：「千祈唔好畀阿媽知我哋玩過呀！」
驚嚇度：★★★★★
【萬聖娃鬼】
鬼屋3：西洋鬼添氣氛
至於驚嚇度較低的「魔偶凶靈工坊」，連細膽的美棋BB亦不太驚，還能笑足全程。她表示平日會避開鬼片及鬼屋，但比較不怕西方鬼：「中國傳統嗰啲好驚，不過呢間係西洋鬼，感覺冇咁恐怖之餘，仲有外國萬聖節氣氛。」她表示在美國讀書時，會參加萬聖節派對，但她只會戴可愛頭箍：「好多人著得好癲，不過自己都係志在感受嚇。」
驚嚇度：★★（註：最高為5個★）
from:
http://hk.apple.nextmedia ... 150918/19299760
