28日拒絕回應 本周二中午，本刊記者再次到福臨門守候。問到甘比產女，呂麗君點睇時？大劉一臉不悅，不發一言。
劉鑾雄愛將甘比（陳凱韻）自從懷有身孕後，一度有傳腹中塊肉是男丁，甘比亦即時聲價十倍，住嘅用嘅超豪唔在講，出入亦有司機保鑣護駕。
上周四（23日）下午，原本擇好吉時剖腹的甘比早產，在山頂明德醫院誕下8磅女嬰，大劉及劉母亦到過醫院探望。不過事後就傳出當日大劉出門前，與女友呂麗君發生激烈爭論。難怪大劉到醫院時，臉容有點繃緊，逗留不久即閃。26日，大劉更高調拖實呂麗君到福臨門晚飯。周旋在兩個女人之間的男人肯定煩到透。
大劉的多位保鑣亦上前欄阻記者，讓老細從容上車。
本月中，臨盆在即的甘比仍與大劉孖住到福臨門食飯，當時她手持十多萬Hermes 手袋，戴住勞力士手錶。《蘋果日圖》圖片
甘比一向深受大劉眷顧，待產期間，居住在市值6千萬的半山梅道1號Mayfair3,000呎豪宅，而甘比母親則住在附近另一豪宅帝景園。近月大劉不避嫌經常與甘比到福臨門撐枱腳，又送上多個價值逾十萬的Hermes 限量版手袋，有傳因此令母憑女貴的呂麗君不悅。
10月中，呂麗君（右）與大劉胞妹劉玉珍（左）一同出席籌款義演時，被問到點睇甘比懷孕一事，呂麗君木無表情，不發一言匆匆入場。《蘋果日圖》圖片
10月中，在甘比未生之前，大劉已經命保鑣送多塊小朋友的膠坐墊到甘比母親位於帝景園的寓所，此外還有多件闊身長裙，相信是給甘比穿著。《蘋果日圖》圖片
呂麗君不悅
上周四（23日）下午，甘比在有「富豪療養院」之稱的明德醫院誕下8磅女嬰，大劉乘坐無字頭5號車牌、市值700多萬的豪華平治房車，趕赴探望。當時全車均拉上窗簾，直接駛入醫院範圍，醫院保安亦隨即加強，防止記者內進。
有傳當日大劉出門前，曾與呂麗君在渣甸山寓所發生爭論。事後呂麗君只透過助手對外回應：「我同劉生好恭喜甘比！」但對於與大劉爭執一事，則未有正面回應。
大劉同時為了兩個女人而兩邊走，難免有點壓力。25日，他到明德醫院探甘比，只匆匆逗留15分鐘就走人。另一邊廂，為了呵番女友呂麗君，大劉翌日（26日）又高調拖住她到「飯堂」福臨門食晚飯。當時呂麗君笑足全程，其間大劉被問到甘比及B 女情況時，他一概不回應。
甘比帶挈姊妹
儘管今次甘比並非誕下「慈菇椗」，依然備受大劉器重，連帶甘比的家人都「受惠」。現時甘比家姐陳詩韻在大劉旗下廣生堂任總經理，而其妹陳樂韻剛在外國升學返港，亦已加入廣生堂的銷售及市場部工作。本周一（27日）兩姊妹還一同出席該公司的新店開幕活動。當記者恭喜甘比添丁，陳詩韻說：「多謝大家關心！」但被問到BB 會否姓劉，她則小心地說：「唔清楚！」
25日匆忙探甘比
自甘比產女後，連日來大劉都有到明德醫院探望，10月25日，他匆匆探望15分鐘後即閃。
26日晚飯補飛
有傳大劉因趕探甘比而激嬲呂麗君，26日晚，大劉探過甘比後，即拖實呂麗君到福臨門撐枱腳，任影唔嬲，呂亦笑番晒。《蘋果日報》圖片
甘比一向深得大劉母親寵愛，26日劉老太亦親到醫院探望甘比。《蘋果日圖》圖片
母憑女貴的甘比，亦帶挈姊妹有份好工。本周一，其胞姊劉詩韻（中）與胞妹劉樂韻（左一）就出席大劉旗下的廣生堂新店開幕活動。《蘋果日圖》圖片
麥玲玲：甘比女兒旺老竇
甘比於10月23日誕下8磅女兒，甘比母憑女貴，而其女兒的命格亦生得好。玄學家麥玲玲指此日出生的女仔全屬富貴命。「呢日出世嘅女仔命格屬火，算係富貴命，一世人都好運，多人錫好有福氣，仲一世旺老竇。其性格好男仔，有領導才能，做生意有天分。不過佢讀書運就一般，係一個冇規律嘅人，脾氣較差，性格硬頸固執，要戴番啲綠色飾物會減低佢嘅脾氣。
「響感情方面，佢通常會遇啲年紀相距較大嘅男仔，只比佢大1至5年嘅人都冇可能開花結果。」
