25/10 梁敏儀鍾情Lolita 服飾，檔主不厭其煩，將公仔著住的陳列品除下來讓她睇清楚。
32歲梁敏儀（Winnie ），99年選港姐入行，之後投靠英皇楊受成，成績乏善足陳，卻經常出現公司大小娛樂場合，包括上賭船或坐遊艇出海。06年約滿英皇後轉投王晶旗下的漢傳媒，可惜事業未有突破。
屢敗屢戰，梁敏儀最近更豁出去做脫星，接拍三級片《金瓶梅2》。
剛與公司滿約，未找到新經理人公司之前，梁敏儀坦言收入唔穩定，加上金融海嘯影響，樣樣都要慳住使，昔日出席公開場合名牌上身的她，竟出現旺角花園街，跟師奶一樣執平貨。
首次拍三級片的梁敏儀，拍《金瓶梅2》，幾乎全裸，只欠露三點。
05年梁敏儀身光頸靚與另一位英皇小花Koey ，出席成龍的生日派對。（《蘋果日報》圖片）
在出口店睇中一件乾濕褸，睇完價錢後，梁敏儀決定唔買。
行足成個鐘，最後只花十五元買了兩個西瓜。
行花園街
上週六（十月二十五日），不施脂粉的梁敏儀，現身於師奶購物區旺角花園街，一個人頭岳岳掃街邊檔。
行到一個賣內衣褲的檔口，梁敏儀停下來，原來睇中了一套Lolita 服飾，只見她指手畫腳跟檔主議價，又嗱住貨品目錄左揭右揭，以為有生意做，檔主兩度將著在假公仔身上的陳列品除下來，當中包括一套價錢約百五蚊的Lolita 裝給梁敏儀慢慢睇，搞咗十幾分鐘，最後完全無幫襯。
行完街邊檔，梁敏儀轉到出口店睇平褸，試完揀完依然空手而回，反而在生果檔用十五蚊買了兩個迷你西瓜，再到附近大牌檔食麵醫肚。
擁有34C 的梁敏儀，經常穿三點式泳衣騷身材，去年有份演出王晶執導的《七擒七縱七色狼》。
梁敏儀之前在電影《鬼眼刑警》中，亦曾露上身演出。
05年仍是英皇旗下的梁敏儀，跟老闆楊受成（中）到澳門，為四太梁安琪（右）拉票。
梁敏儀去年同好友李思蓓（左）投資開內衣店做老闆娘，可惜蝕錢 收場。
把心一橫
○○年簽約英皇電影部，當時同公司還有黃秋生、張家輝、何超儀等。雖然公司開戲她例必有份，演出電影包括《新警察故事》、《寶貝計劃》、《千機變》等大製作，但始終是三線角色，毫不起眼。事業平平，但一樣揸Benz ，住大坑的梁敏儀從不嗇吝身材，經常性感演出。
自○六年她轉投王晶旗下的漢傳媒，密做一年，拍了六部戲，包括近期的《有隻殭屍暗戀你》，但成績始終如一。
上月剛與王晶滿約的梁敏儀最終把心一橫做脫星，接拍三級片《金瓶梅2》。
慳得就慳
在戲中梁敏儀雖然無露盡三點，但全裸演出和大膽動作，仍屬首次。對於拍三級片，她理直氣壯說：「導演想我剃頭演出，剃頭對我來講唔係問題，仲有話題啦，不過嗰個角色要見點，所以我改咗做春梅個角色。如果要露，十年前我就做咗啦，自己唔後生，唔係十八、廿二唔想咁搏，今次我露晒三點嘅話，以後拍戲仲會有人俾衫你著咩！」
拍三級片又去旺角掃平貨，但梁敏儀否認經濟有問題，「依家經濟唔好，個個都會慳，嗰日去花園街係想買嘢準備同朋友萬聖節開Party ，不過平日我都去嗰區買嘢。我經濟無問題，今次金融海嘯我無損手，只係依家再簽經理人公司好難，暫時收入唔穩定，供車租樓基本開支無得慳，唯有生活上慳得就慳。」
有市場
絕跡多年的港產三級鹹片，近日有復甦之勢，由一班日本AV 女優主演，低成本製作的《金瓶梅》，出乎意料錄得320萬票房，比起大部分港產片票房收入還要好。見有市場，電影公司即刻推出下集《金瓶梅2》，今次除了日本女優之外，梁敏儀亦全裸演出，實行搵得就搵。
梁敏儀（前排）在《金2》中雖然是主角，但都不及四位日本AV 女優露得徹底。
