梁敏儀落選港姐後拍過多部電影，多年來走性感路線事業都係冇起色，最近仲同王晶解埋約，現時零工作。《壹週刊》圖片
風流才子倪震自啜爆張茆後，溝女臭史越揭越多，繼早前被踢爆曾追求蕭定一旗下藝人雨僑(羽翹)和Freeze 外，原來倪震去年曾與99年落選港姐梁敏儀私交半年。
據知，兩人不時在銅鑼灣一私竇夜會，有次夜會後，兩人更漏夜拿床單到私竇附近的自助洗衣店清洗。而倪震與梁敏儀交往期間，更曾送LCD 電視機與數碼相機給女方，非常闊綽。
玉女同慾女，我都一樣啱！（設計對白）《壹週刊》圖片
倪震和梁敏儀表面上大纜都扯唔埋，但據知06年梁敏儀曾與倪震好友谷祖琳合作拍《鬼眼刑警》，去年再在一位導演的生日派對上與倪震一撻即著。
去年梁敏儀與倪震打得火熱，女方曾向身邊好友炫耀自己與周慧敏睇齊，據梁敏儀的密友透露，「梁敏儀話倪震對佢好細心，當佢係女朋友一樣，係講心喎！倪震喺銅鑼灣有一個私竇，佢（梁敏儀）話夜晚先會上去，上過幾次，仲話試過半夜同倪震拎住污糟咗嘅床單落樓下自助洗衣店洗添！」本刊記者根據梁敏儀密友的指引，在銅鑼灣霎西街找到當日梁敏儀所講的那間自助洗衣店。店員表示洗衣店在晚上9時後便會關門，不過入錢的自助洗衣機則24小時開放。
梁敏儀早前與日本AV 女及林偉健合作拍三級片《金瓶梅2》，諗住盡地一煲，一脫求翻身。
送電視機冧女
話就話講心，不過倪震好識綁住女人心，密友續說：「一大班人出來玩時，倪震同梁敏儀愈玩愈埋，飲多兩杯就好自然搭上咗！倪震會不停send 短訊，講埋啲冧人說話，梁敏儀仲話倪震對佢好好，主動送過LCD 電視機同數碼相機冧佢。」不過半年後倪震再沒與梁敏儀聯絡。「梁敏儀向來對男人都好黐身，倪震驚上身，當然係早走早著啦。依家梁敏儀同EO2嘅Eric 一齊。」
笑住否認戀情
本周一（22日）晚上，本刊記者致電梁敏儀，問她去年是否曾與倪震搭上，她故作輕鬆例牌否認：「吓！冇喎！我哋係識，成班朋友出來玩過，但冇發生過嘢！都好耐冇聯絡。(你同倪震出過幾多次街呀？)邊有人數住同朋友出過幾多次街㗎！」
記者再問她是否曾與倪震在私竇夜會後拿床單去自助洗衣店清洗，她再大笑說：「哈哈！咩嘢自助洗衣店呀！冇喎！總之唔係事實我唔會回應囉！」
私竇夜會
據梁敏儀的密友透露，倪震溝女私竇在銅鑼灣霎西街附近，該處非常僻靜，入夜後人流甚少，私竇附近有一間24小時自助洗衣店。
漏夜洗床單
據知去年倪震曾與梁敏儀半夜拿著床單，到這間24小時自助洗衣店——陽光洗衣便利店清洗。
12月19日約新歡打邊爐
據梁敏儀密友透露，梁曾與歌手張德豪拍拖，新任男友則是EO2成員Eric 。上周五，Eric 在商台完成錄音訪問後，即會合梁敏儀到土瓜灣打邊爐，之後兩人再結伴夜蒲。
12月22日旺角接舊愛返家
本周一，梁敏儀揸車到旺角會合已分手的男友張德豪，之後由張德豪做司機車她返回西貢寓所。
12月23日殘爆回應
本周二中午，梁敏儀與張德豪雙雙步出西貢寓所，兩人仍穿前一日的衣服，到坑口大排檔醫肚。記者手持倪震的私竇照片問梁敏儀回應，她連聲說：「冇呀！」之後記者再問她為何與張德豪一齊，張德豪竟搶答：「我哋好咗好耐啦！」關係耐人尋味。
張惠賢醫生
「不忠基因」冇得醫
早前商台節目《杏林茶》曾以「男人偷食是基因出錯」為題，討論倪震偷食事件。
主持之一張惠賢醫生在節目中指出，英國有份報告講44歲是男人爆發中年危機的年齡，而瑞典的科學家更發現男人有「不忠基因」，受到基因影響，男人會對伴侶不忠，而44歲的倪震很有可能有「不忠基因」。此外，更有研究顯示21歲的女士，最不介意性伴侶已婚。
張醫生承認曾接觸過倪震，他說：「只有男人先有『不忠基因』，遺傳自父母，有人會有一條，亦有人兩條都有，要驗就要聯絡瑞典嗰邊，都要花幾千蚊㗎！不過倪震冇要求驗，其實驗來都冇用，因為『不忠基因』係冇得醫嘅！」
姚樂碧
傅穎
陳穎妍
Esther
雨僑(羽翹)
Freeze
裴蓓
溝女名單超長
01年︰倪震為姚樂碧新書《隨意隨心》寫序時，以一句「在言談上達到頗為劇烈的高潮」來形容彼此的關係，之後他寫給女方的情信更曝光。
06年︰倪震在專欄大讚傅穎「有女人味……貓樣的眼睛，開始撩人了」。07年被發現二人秘密撐枱腳。
06年︰以送花及短訊攻勢追求陳穎妍兩年，事後女方承認倪震曾對她展開追求，可惜神女無心。
07年︰倪震被拍得與25歲模特Esther 吃貴價牛肉麵，之後到女方香閨短聚兩小時。
08年︰蕭若元踢爆倪震11月透過Facebook 追求新人雨僑(羽翹)，為約對方食飯，還踩周慧敏「幾靚都會老」。
08年︰Freeze 自爆4、5年前，倪震已利用交友網站Friendster 力邀她們去街及遊船河，三女先後成為被追對象。
08年︰內地名模裴蓓踢爆倪震曾在Facebook 留言追求，邀她去其開設的桌球室篤波。
