倪震的媾女網非常廣闊，擁有34B 上圍的梁敏儀（Winnie ）近日被爆曾與倪震交往半年，有指二人經常在銅鑼灣私竇密會，曾半夜拿著污糟的床單，到私竇樓下的24小時自助洗衣店清洗。倪震為討Winnie 歡心，除狂發冧女短訊，出名孤寒的他還主動送上Plasma 電視機和數碼相機，由於Winnie 太黐身，所以他們去年發展的地下情半年便玩完。
「朋友介紹咪識咗」
倪震的緋聞越揭越多，形象盡毀。資料圖片
對於被爆搭上倪震，Winnie 昨日在電話否認說：「我同佢只係識，冇拍過拖。記得好多年前，我參加朋友婚宴，當時倪震同女朋友周慧敏一齊嚟，朋友介紹咪識咗倪震，之後都有喺朋友聚會見過，但我哋冇單獨約會。」有指Winnie 曾與倪震私竇密會，她說：「我明白私竇係乜，但就唔知佢有私竇，我澄清同倪震真係冇任何親密關係，唔知點解話我啲密友爆料。」對於消息還指Winnie 向友人炫耀自己與周慧敏看齊，她即說：「唔好玩啦，我點同周慧敏比。」Winnie 表示聽到倪震和周慧敏即將結婚，很戥他們高興，她說：「我仲希望佢哋快啲生BB 添。」採訪：比華利
梁敏儀承認友人介紹認識倪震，但否認二人的地下情。資料圖片
FROM:頻果日報
