響上週二（21日）嘅《珠光》入面，飾演有錢公子嘅陳豪一遇上女主播陳沛嘉就飛起女友約佢食飯談心，陳沛嘉亦低胸出擊，擺明想釣大魚。
女神黎姿忽然話唔撈娛樂圈，專心照顧細佬黎嬰同打理美容院生意，FBI 呢類宅男當然好失望啦，以後見唔到女神，自然晚晚追睇佢套《珠光寶氣》先得。
FBI 一心捧黎姿場，但都會留意吓劇中其他靚女嘅，好似響劇中飾演貪錢女主播嘅女模陳沛嘉（Balia ），知道陳豪有錢，啱啱識人就跟人返房訓喇，呢個橋段忽然令FBI 諗起01年仲係做緊model 嘅佢，被人傳佢因為貪錢陪大生銀行家族闊佬馬清偉去上海「玩」，會唔會崩口人咗少少呢？FBI 即刻撥個輪問吓Balia ，佢理直氣壯咁話：「唔係喎，啲人反應好正面，我都係跟劇本做。做戲同當年嘅傳聞係兩件事喎，我當時都否認咗（同馬清偉約會）啦，點可以拉埋嚟講？」冷靜啲，FBI 想話，其實個劇本幾度身訂做咁解啫。
訓醒冧樣 當晚陳沛嘉同陳豪返咗屋企過夜，第二朝陳沛嘉就用呢個冧樣望實陳豪，呢啲冧佬技巧真係好純熟喎！
密會富豪 01年陳沛嘉被發現跟富豪馬清偉響上海約會，當時馬清偉仲未同薛芷倫離婚。
