我都幻想過，有朝一日，與前男友的現任女友狹路相逢，一腔怒火，講乜好？
講乜都好，可以肯定，我絕不會咆哮：「你都係喺我舊鞋咋！八婆！」你估做《銀樓金粉》咩！
事實是，2008年喎！TVB 喎！為爭實力派嘅吳浩康喎！28歲莊思敏自稱被27歲胡定欣如此這般破口大罵，事後在「火藥
」梨花帶雨案件重演。
「第一次發生，我思疑係咪傳媒嘅報道手法令到我哋之間出現誤會。再一次俾人擺……利用，我除咗講番自己嘅立場，話畀你聽冇講過，仲可以點？唔通罵戰咩！」把「上枱」兩字硬生吞落肚的胡定欣，雖然有份做《銀樓金粉》，望落的確唔似咁好火，更加唔似咁old school ，反倒是，笑得開懷，像最後勝利那個。
年頭，莊思敏第一次哭訴收到疑似胡定欣友人強姦短訊，年尾，再次哭訴入電視城錄影收費台節目，又被胡定欣鬧。胡定欣入行6年，就係呢兩次上娛樂頭條。第二次，仲夾岩台慶頒獎典禮候選名單公布，「三角關係」中最紅嘅胡定欣入選「最佳女配角」同「飛躍女藝員」兩個大獎，要宣傳要拉票，有乜好得過上C1呢？
換喺我係胡定欣，都會笑。換喺我係胡定欣，應該唔會後悔愛過吳浩康。
原來吳浩康都有首歌叫〈火〉，唱到：「心中的火，心中的火，再辣起我，不可熄火，不可熄火，再搏一搏。」……歌詞應一應，像極了愛煽風點火型女朋友的寫照。
最重要嘅point 係，嗰句說話（註：你都係喺我舊鞋咋！八婆！），我一世女都冇講過，亦冇可能經我口講。
連Jacquelin 你都唔識？呢個Jacquelin 你唔識都唔奇。莊思敏(Jacquelin)，做model 入行，至今10個年頭，工作表現乏善足陳，最出名的身份是，歌手吳浩康的有米女友。自爆不下一次被吳浩康前女友胡定欣及友人迫害及恐嚇，最新指控係，胡定欣思覺失調，鬧人八婆。
「第一個感覺……好好笑。」胡定欣真係笑咗：「我完全冇喺公司見過佢，戲劇同收費電視嘅廠又完全分開，點撞呀？最重要嘅point 係，嗰句說話（註：你都係喺我舊鞋咋！八婆！），我一世女都冇講過，亦冇可能經我口講。除咗一笑置之，仲可以有咩感覺？」
被指屯門屋
長大，胡定欣澄清：「我係呢幾年至搬去屯門、貪空氣好。父母早年其實幫家族做海味生意，我喺西營盤食魚翅大㗎！」
99年參加新秀認識吳浩康，04年吳浩康涉嫌藏毒成為傳媒焦點，亦揭發胡定欣早已登堂入室，包括被發現喺住泳衣齊齊去沙灘游水。
胡定欣言下之意，即係俾人屈。我覺得可疑，好哋哋，做乜人哋同你咁大仇口呢？「不知道！我哋之間，我唔會用大仇口嚟形容，都過去咗……我份人，每一次拍拖，有得救，我會努力。努力過都係分開咗，咁即係冇得救啦，我一定唔會再做任何無謂嘅小動作，一定會算。」
06年8月，吳浩康宣布與胡定欣分手，盛傳富家女模莊思敏介入。前度和現任有仇口，任何人都會認為，原因不外乎有人撬牆腳、有人不誠實：「唔……我覺得每一個人嘅立場都唔同……」答案好玄，換言之，為了追求愛情，就算是一腳踏兩船、搶人男友，亦情有可原了嗎？「喺感情上面，每個人處理方法都唔同……總之，我自問從來唔會做傷害人嘅事！」那胡定欣是被人傷害的那個嗎？節骨眼上，胡定欣猶豫到不得了：「唔……點講呢……day 1分手我就冇講原因，而家，都係保持態度好嘅。呢個就係我同有些人唔同嘅地方，就算花邊新聞可以幫我上報紙，我唔恨咁樣延續自己嘅藝術生命。」
應該冇人記得，02年拍完《衝上雲霄》即與戲中大哥馬德鐘傳緋聞，更得到TVB 嗲霸稱號。《壹週刊》圖片
在《銀樓金粉》中扮與舊情人李天翔通姦的四姨太，成功搶鏡，更入圍角逐全年台慶頒獎典禮兩項大獎，雖然陪跑，已經飲得杯落。
你飛躍咗未？事發以後，吳浩康的回應是：「呢一刻，我只緊Jacquelin 嘅感受！」
無論如何，相識9年拍拖2年，04年吳浩康因為藏有可卡因被捕，都是胡定欣陪在身邊。雖然係過去式，亦未免太冷漠。
對於吳浩康為人，胡定欣拒絕再評論，對於分手，胡定欣就肯定的答：「無悔！因為我對『緣盡』兩個字，睇得通透！我好羨慕蔡少芬，拍拖完全無需交代，到結婚嗰日至公告天下，幾型！我亦希望好似楊怡咁，慢慢累積，到遇喺《家好月圓》，終於收成，幾實在！」
係喎，講開《家好月圓》，唔使等到台慶，都估到會係大贏家。就算入圍「飛躍女藝員」和「最佳女配角」兩個大獎，都應該注定陪「阿月」楊怡同「阿慶」陳法拉跑。「我喺西營盤大，家族生意係做海味，我真係食翅食大㗎……點解《溏心風暴》唔搵我拍呢？唔好話陪跑……對於自己今年嘅成績，我已經好滿意，有冇獎都係咁做，當佢係聖誕節抽禮物，會輕鬆嘅。」
我不覺得胡定欣的答案行貨，長年徘徊在二線尾三線頭，清楚電視台的頒獎政治，冇理由對花旦爭崩頭的獎項有非分之想：「爭口氣係要嘅，公司同觀眾嘅認同我都好恨……但喺公司……我嘅年資仲淺，目前，都係做好每一樣工作、把握每一次機會最實際！」
01年參加Cover Girl 選舉，憑從小養成的中國舞底子和99年新秀經驗，鶴立雞群由頭帶到尾，頒獎畀佢嗰個，係楊千嬅。《蘋果日報》圖片
在電視城浮沉6年，信心所剩無幾之際，胡定欣在《舞動奇跡》中勝出，自信心返晒嚟。
唔係講畀「佢」（莊思敏）聽，我覺得做呢行，腳踏實地最緊要……
用咩手法去達到目的嘅人都見過……
康定情歌？99年參加新秀歌唱大賽，同吳浩康相識，就係呢年。結果，兩人一齊落敗，00年一齊捲土重來。吳浩康參加00年新秀，胡定欣參加01年TVB Cover Girl 選舉。
胡定欣話，鍥而不捨係因為歌星夢：「當年TVB Cover Girl 選舉係黃柏高嘅金牌協辦呀嘛，一心諗住仲有機做歌星！我從來冇得獎運，估唔到呢次做埋冠軍，包辦晒4個獎！」贏了冠軍，唔係簽金牌，反而入咗第18屆藝員訓練班。一晃8年，都係未圓歌星夢：
「都唔係㗎……登台咪有得唱歌囉！」登台點同做歌星？電視台班姐仔，鍾嘉欣出咗碟，胡杏兒都簽埋唱片公司啦！「咁……呢個機會真係好難得……每個人嘅際遇都唔同。我而家諗法唔同以前，拍戲先係我主打。
「做呢行，有邊個唔係等緊個機會呢？電視台，咁多靚女，個個選美出身，信心，本來冇乜。但好慶幸，我嘅頭開得好。訓練班未畢業，第一次實習咋，就有得拍《衝上雲霄》啦！我嘅機會，都唔係人人有㗎！」
做呢行，不論高潮低潮紅還是奀，無時不刻像胡定欣一樣think positive 確係好事。在電視台浸淫多年的胡定欣說，沒打算致電舊愛講數平息事件，亦對Jacquelin小姐無話可說：「唔係講畀『佢』聽，我覺得做呢行，腳踏實地最緊要，呢個就係嗰件事當中自己嘅得喺。不過，TVB 好似一個社會縮影，咩人都會遇喺，用咩手法去達到目的嘅人都見過……每個人都有權利選擇自己想行嘅路，只要佢過到自己嗰關。」
對質呢頭，胡定欣再三強調今次回應係公司意思：「件事話喺TVB 入面發生，公司梗係緊張啦，有損形象。其實公司入面周圍都有閉路電視，尤其係
，佢（莊思敏）講清楚喺邊日發生，搵嘅錄影帶出嚟一定一清二楚！」
嗰頭，莊思敏見招拆招：「我冇記低發生時間日期，唔記得
，唔想再爭拗。為咗息事寧人，我決定封嘴。」
火藥
我冇份搭，誰是誰非我唔敢講，不過我絕對支持對質，撩起火頭在先至話息事寧人？你玩晒咩！
