謝婷婷拒絕回應阿嫂張柏芝（小圖）的懷孕傳聞，並自爆最想與父親謝賢合作。
謝婷婷、徐子珊、林峯、利孝和夫人及女兒利蘊珍等，昨日盛裝出席沙田馬場舉行的莎莎婦女銀袋日，同場名模Rosemary 和Ana R.示範8,000萬元Harry Winston 鑽飾，一片珠光寶氣。
最愛《千王之王》
謝婷婷穿黑裙赴會，露出一雙古銅色長腿。昨日有報道指她的阿嫂張柏芝懷孕，婷婷聞言即說：「唔答。」有傳柏芝復出？她說：「都唔答喇，你哋自己問番佢。」問她可有興趣與哥哥及阿嫂合作？她說：「我唔介意，不過最想同爹哋合作。我最鍾意睇佢嘅《千王之王》，睇過兩次喇。記得16歲時睇，睇到佢俾壞人插眼，真係睇到喊！好心痛，即刻打畀爹哋，點知佢話『我鋤緊Dee 呀，你都黐線！』我唔鍾意爹哋做壞人角色。」
記者指謝賢現實中也很惡，不時指要將記者「一巴打到黐埋牆」，婷婷即為父親解釋說：「唔係，呢個係佢口頭禪，係屋企人嘅inside joke 。」
徐子珊將Fendi 低V 裙加工，仍性感搶鏡，露出胸前一顆痣。
朱慧敏翠綠裙上陣，不慎走光露黑bra 。
「本來V 到落胃」
徐子珊身穿Fendi 粉紅裙示人，性感露胸，她說：「我係莎莎代言人，今日係重要日子，平時好少咁性感，本來條裙V 到落胃，但我改咗，又貼咗膠紙。」見她胸口原來有一顆痣，她說：「一向都有，以前選港姐著泳衣都有，不過大家冇留意。」記者笑她「露一點」，她即說：「唔好咁講啦，難得著得咁靚，畀我靚一日啦。」
另外，大批前任、應屆年輕港姐如朱慧敏、高海寧及何傲兒等，昨日悉心打扮赴會，卻不敵利孝和女兒利蘊珍搶鏡。一向衣著大膽的利蘊珍，戴Philip Treacy 帽、身穿Alexander McQueen 白裙，真空透點，她直認沒貼乳貼，她說：「唔緊要，冇乜嘢，我唔興貼。」
（左起）周美欣、朱慧敏、何傲兒、高海寧、陳倩揚和張舒雅盛裝赴會，爭妍鬥麗。
