分別是吳浩康（Deep ）的新舊女友莊思敏和胡定欣，早前被指在電視城「開拖」，莊思敏稱被人辱罵「著我舊鞋，八婆！」事件再有餘波，莊思敏前晚坦言，最不忿是被胡定欣指她搞是非「博見報」，其後胡定欣的經理人作出反擊，揚言可以翻查電視城錄影帶以證清白。夾在中間的吳浩康昨日大感無奈，表示事件似沒完沒了，不想再多講。
前晚莊思敏（Jacqueline ）出席活動時，自言心情未受事件影響，但就不滿胡定欣指她搞是搞非「博見報」，Jacqueline 謂：「佢想一句說話推翻晒之前講嘅嘢！（Deep 點講呀？）大家都想息事寧人，自己想平安過日子。（Deep 有冇講過胡定欣係野蠻人？）又冇深入探討，但Deep 都信對方會鬧我。（見面會點？）我唔會出聲，希望大家冇共處時間，只覺男友左右做人難。（男友係咪好撐你？）私底下囉。」
高層安撫胡定欣
這邊廂Jacqueline 大吐苦水，但胡定欣卻未執輸，她的經理人認為既然是在電視城發生，對方可以詳細講出時間及發生地點，希望可以翻查電視城錄影帶，便清楚胡定欣有否鬧人。
昨日在電視城為《紅粉商人》開工的胡定欣，雖然是非纏身，幸得高層陳佩華前來安撫。胡定欣表示經理人已作出回應，自己不想多講，只嘆謂：「多謝你哋畀咗個C1（娛樂頭條）我！」
Deep 夾中間無奈
成為「磨心」的Deep 昨日出席慈善騷《仁愛堂邁向光輝新里程》拜神儀式，幸得前緋聞女友鄭希怡（Yumiko ）力撐，未致獨撐大局。面對事件又有餘波，Deep 謂：「唔會推敲件事真定假，三個人嘅事，希望由我第一個去平息，所以唔想多講，再講好似冇完嘅一日；加上我出新碟，有呢啲負面新聞，太敏感
！」Yumiko 亦有跟Deep 談論這件事，個人而言當然支持Deep ，並作出安慰，但內容就不便透露。
文：影視組
好彩男友私底下撐我！（設計對白）
男人最苦莫過於夾喺女人中間！（設計對白）
查錄影帶咪一清二楚囉！（設計對白）
鄭希怡表示有向吳浩康作出安慰。
無
高層陳佩華（右）昨日在電視城安撫胡定欣。
莊思敏向記者大吐苦水。
