「喺埋一齊唔讚先奇」莫文蔚爆馮德倫戀徐若瑄

蘋果日報馮德倫與徐若瑄的緋聞傳得甚囂塵上，前晚他出席活動時與舊愛莫文蔚（Karen ）的父母同場，合照時一面尷尬，但轉過頭提起新歡徐若瑄，卻狂讚她人又好又靚。而莫文蔚昨以超性感透視內衣亮相香水活動，其間口快快踢爆馮、徐蜜運，稱他們拍拖應份，今次馮德倫想死撐都難。
馮德倫（Stephen ）、洪欣、馬詩慧和莫文蔚的雙親前晚在銅鑼灣出席朱古力品牌活動，其間馮德倫見Karen 父母即握手寒暄，但合照時表現尷尬。問莫媽媽莫何敏儀與馮德倫談了甚麼？她說：「都係講朱古力。今晚只講呢啲，其他嘢唔講啦。」莫爸爸莫天賜則說：「以前我都好少同Stephen 見面，佢哋分手後就冇見過啦。」

上月本報拍得馮德倫在港駕車送徐若瑄去機場，當時女方更低頭狂避。資料圖片

莫文蔚雙親久未見過女兒舊愛馮德倫，三人同場相遇場面尷尬。

馮德倫讚新歡
馮德倫提起他心目中又靚又好的緋聞女友徐若瑄時，竟忍不住咬手指。
馮德倫與Karen 甩拖多時，前晚他重提舊愛便說：「其實分手之後，我都想Karen 搵番個好男友，以前我同佢拍拖都幾開心。」早前本報拍得馮德倫與徐若瑄在港會面，他卻死撐沒有拍拖，但又忍不住狂讚徐若瑄：「人又好又靚咋，呢啲咁好條件，係人都會鍾意。我而家好享受單身生活，將來會唔會發展，我冇得控制。」問他將來開戲會否考慮新歡舊愛同片演出？他沒好氣說：「睇角色啦，我自己就唔會同佢哋同場演戲，因為我要做導演，仲要睇Karen 想唔想拍。」

願意三人合作此外，莫文蔚為品牌DNA Beaut 推出首款亞洲名人香水KAREN MOK Fragrance ，昨日於灣仔舉行記者會，她以一身透視喱士內衣配襯短裙現身。提到她父母前晚與馮德倫同場合照，後者表現尷尬，Karen 說：「點會尷尬呀？個個都好大方，父母仲好開心。」
對於馮德倫祝福Karen 早日找到男友之餘又狂讚徐若瑄，Karen 竟口快快踢爆馮、徐蜜運：「呢個應份，唔鍾意佢又點會一齊？唔讚先奇啦。」馮德倫稱不排除他日邀請徐若瑄和Karen 同片演出，Karen 笑說：「係咪應該睇咗酬勞先？最重要睇角色同劇本，睇人唔係第一考慮，我唔介意。」
採訪：藍嵐、張俊銘
攝影：陳俊強

莫文蔚昨日身穿黑色喱士透視內衣配短裙，性感亮相香水活動，其間她更踢爆舊愛馮德倫與徐若瑄的戀情。

馮德倫前晚出席活動時，大讚緋聞女友徐若瑄「人好又靚」，但卻否認戀情；不過，舊愛莫文蔚在另一場合卻玩踢爆，直指馮德倫「唔鍾意又點會一齊」？
馮德倫前晚出席朱古力新店開張活動，前女友莫文蔚父母亦有到場。雖然莫父曾暗寸他是「韋小寶」，但馮德倫一見兩老亦不失禮數，主動上前握手打招呼，台上更不時與莫母有說有笑。多次強調仍是單身的馮德倫，指與莫文蔚仍有食飯傾電話，還希望她快覓得如意郎君。
對於被拍到與徐若瑄同「車」的緋聞，他說：「朋友香港，車出車入機場。（有機會發展？）冇得控制，大家做朋友咪幾好，依家單身無憂無慮。（不想拍拖？）先得。（佢唔你？）大家識三、四個月，將來睇有冇機會先。佢人好好又靚，有邊個人會唔鍾意呢兩個條件。」
馮德倫表示有機會亦不介意找莫文蔚和徐若瑄合作電影，至於誰是第一女主角，他說：「睇劇本同角色先啦。（你同邊個有感情線？）我做導演，冇感情線。」
合作睇錢分上
至於莫文蔚出席其品牌香水活動時，對於馮德倫大讚徐若瑄，她衝口而出說：「呢個應分，唔鍾意佢又點會一齊，梗係讚。（心酸？）又冇。（佢搵你同徐若瑄合作？）呢睇錢、劇本同角色，我唔介意。」
另外，馮德倫表示正為《跳出去》做後期，並沒有刪剪陳冠希的戲份，至於會否想陳冠希配合宣傳，他說：「每一個宣傳都係值得去做，但要睇個時期會唔會過分敏感，如果蓋過部戲就無用。」
文：影視組



莫文蔚性感出席個人品牌香水活動，心口卻出現紅印，她指是緊張所致。


馮德倫不介意被暗寸係「韋小寶」，主動與莫父和莫母握手。


馮德倫與莫文蔚父母在活動上有說有笑。