香港人特別鍾情made in Japan 的產品，彷彿是信心的保證。近年日本BB 用品亦大受媽咪們歡迎，但日式超市的價錢貴兼貨品唔齊，若親身往日本掃貨，機票連酒店花費不菲。幸好依家有網上訂購服務，貨品種類和售價比一般日本超市更多和更便宜。本刊整合了眾多媽咪的推介後，揀了3間BB 用品速遞公司——B&M、Birth 和Re-on 作測試，比併貨品種類、價錢同送貨效率。
鬥貨品種類
（以5★為最高分）
B&M ★★★★★
經常去日本掃貨的媽咪，都鍾意逛最大的嬰兒用品專門店Akachan ，貪佢貨品應有盡有，而B&M 就如港版Akachan ，貨品種類多達數千種，如奶粉、尿片、食品、日用品、玩具等，就連BB 手推車及High Chair 都有，大部分貨品是向日本Akachan 總公司嗱貨，連香港沒有代理的麵包超人玩具及服飾也有得賣。這里大部分貨品都有現貨，心急媽咪可第一時間買到最新BB 用品俾小朋友，而不少星媽如袁詠儀（圖）等也是網站的捧場客。
麵包超人學行手推車及最新推出的梳化，都是網站大熱產品。邊推住學行車學行路，再輕按麵包超人按鈕便會發出音樂，BB 一定鍾意。手推車$565，麵包超人梳化$540
麵包超人BB 衫是媽咪們的至愛，最新秋冬系列剛上架，已接到不少訂單。$171
日本Akachan 的除菌濕紙巾可將BB 的日用品抹擦乾淨，就連袁詠儀的囝囝張慕童都係用佢，每次仲一箱箱咁入貨。$20
Birth ★★★★
貨品種類非常多及齊全，但類別比B&M 略少，同樣有奶粉、尿片、食品、日用品，也有BB 手推車出售，但款式不算多，反而玩具種類較多，除了最受媽咪歡迎的麵包超人外，更有Hello Kitty 、Winnie the Pooh 、Mickey Mouse 、多啦A 夢等玩具及精品。
細路仔大便就最無耐性，有呢個咁cute 嘅Marie 卡通便器，佢一定肯乖乖大便。$542.4
Re-on ★★★
貨品種類是3間店中最少，以食物為主，包括奶粉、嬰兒食品及果汁等，品牌及食物種類頗齊全，其他貨品如玩具及一般嬰兒用品則選擇不多。
Re-on 以售賣BB 食品為主，以奶粉（右圖）及BB 餅乾最暢銷。
鬥送貨效率
Re-on ★★★★
自毒奶粉事件後，很多網站的日本奶粉都被搶購一空，訂單更應接不暇，令送貨時間較之前延遲，但Re-on 卻沒有受影響。記者上周二從網上訂購Bean Stalk 、日本雪印及和光堂奶粉（9-36個月）各2罐，翌日收到確認電話，表示周四下午5-8時送貨，結果當晚7時送貨，相當有效率。
Birth ★★★
職員表示最快10月中才有奶粉，記者便改為訂購其他食品如嬰兒糊仔、果汁、餅乾等。上周二訂貨，周四才收到職員電話確認周六送貨，結果當日下午4時收貨，但要等足四日，十分不便。
B&M ★★
記者上周一在網上訂明治奶粉（0-9個月），周三才有職員回覆表示沒有貨，最快等到10月中，記者在網上改訂麵包超人玩具，到周五有職員回覆安排本周二送貨，送貨速度相當慢，媽咪們真係等到頸都長！
B&M 的存貨相當多，網站的麵包超人玩具都是大量從日本訂貨，故售價可以更便宜，跟日本當地的價錢相若。但近日的訂單增多，拖慢了送貨速度。
鬥價錢
睇下邊間公司嘅價錢最平？
Birth ★★★★★
毒奶粉事件令香港媽咪紛紛追捧日本奶粉，這店的品牌選擇非常多，包括明治、日本雪印、森永、和光堂、Bean Stalk 等等，價錢亦是3間店中最便宜的。網站每隔1至2星期會推出集體預訂優惠活動，例如不同用戶集合訂購某個指定數量的奶粉，便可集體獲得優惠價，一般會比其他網站的價錢平約1成。但其他貨品如尿片、BB 糊仔、麵包超人玩具等，部分的價錢就較B&M 貴一些。
B&M ★★★★
B&M的奶粉售價雖然不及Birth 平，但網站會提供另一優惠，訂購任何奶粉4罐或1箱（8罐）或6包尿片，即可9折購買其他貨品包括尿片、BB 糊仔、飲品；又可85折購買任何麵包超人玩具，例如一款麵包超人的座地琴，原價$1,062，85折後只需$902.7，同一款玩具在Birth 售$1,155，相差$252。
Re-on ★★★
Re-on奶粉雖然不及Birth 集體訂購價般便宜，但勝在存貨多，不用等。只要訂購指定牌子的奶粉1箱，包括明治、和光堂、Bean Stalk 及森永，就可以較便宜的價錢買到，例如和光堂（0-9個月）奶粉原本1罐$160，訂一箱（8罐）則每罐為$155，平$5，而即使在這段奶粉供應短缺的日子，也有充足現貨供應。
媽咪fans ：價錢平過水貨店
自兩年前兒子Oscar 出生後，周小姐就幫襯B&M 訂貨，除了奶粉、尿片這些日用品外，每次有新款麵包超人玩具，就會立即掃貨，她說：「Oscar 好鍾意麵包超人，呢度價錢比水貨店平好多，款式又新又多，佢哋送埋貨又唔使自己搬得咁辛苦，所以我keep 住每個月都會訂貨。」
B&M 、Birth 及Re-on 除了網上訂貨，同時設有門市，在門市購物，部分貨品折扣更多。周小姐這天專程來B&M 門市選購玩具。
訂貨貼士：
1.有兩年選用網上速遞買BB 用品的蕭太，提醒各位用家留意日圓的價格浮動，部分網站的奶粉價格每月不同，而部分網站如Re-on 每月會推出特價品，因此最好每次訂貨前仔細格價。
2.B&M 有會員積分計劃，購物$1得1分，儲夠分數可換領毛巾等。而在Re-on 購物5次或一次過購物滿$5,000，即可成為VIP 會員，之後可在VIP 特價區以更優惠的價錢購買指定貨品。
Shop list:
1.B&M
地址：柴灣利眾街40號富誠工業大廈A 座19樓1室/ 旺角豉油街15號萬利商業大廈5樓
電話：31884136
網址：
http://www.bnm.com.hk
＊購物滿$500以上（不包括奶粉及尿片），可免費送貨；若包括奶粉及尿片則需滿$800才可免費送貨。
2.Birth
地址：觀塘偉業街137號泛亞中心10樓
電話：22445200
網址：http ：//birth.hk
＊購物滿$1,000以上免費送貨。
3.Re-on
地址：鰂魚涌華蘭路20號華蘭中心2302室
電話：35800525
網址：
http://www.re-on.com.hk
＊購物滿$600以上免費送貨。
媽咪，有新貨啦，仲唔訂？
