屢傳不和嘅鄧麗欣（Stephy ）同傅穎（Theresa ），上個星期六（九月廿七日）避無可避孖住出席「健康之星頒獎典禮」。
未領獎就成為當日是非之星，記者爭取機會叫兩姊妹影番張世紀合照，經理人Paco 自動波化身攝石人，「得」正兩女中間做防火牆。
合照避無可避，但兩女全程互當透明，火藥味濃到係人都聞到，好在有「紅姨」米雪緩和氣氛，佢笑容滿面喺台上逐一同得獎者握手，親民態度，八珍醒多個「笑容之星」獎過佢。
Stephy （圖箭嘴）坐埋嚟，Theresa 望都唔望。之後記者叫影合照，Paco 坐正中間隔開兩女。
奪得「十大健康之星」嘅米雪，心情勁靚笑到彎晒腰，之後仲同各得獎者握手，之前冇乜笑容嘅Stephy 亦展露僅有嘅四萬門牙。
