去年初吳浩康（Deep ）與拍拖一年多的姐仔胡定欣分手，極速轉投富貴女模莊思敏懷抱，未幾即有人指莊思敏搶人男友，富家女當街俾人指住鬧，仲要收埋強姦恐嚇。
事隔一年，上月莊思敏應無線邀請撈多瓣入電視城做音樂節目主持，踩正冤家胡定欣主場，傳慘被躁底情敵當眾藐爆兼狂鬧：「你都係著我舊鞋咋！八婆！」
事後莊思敏接受本刊訪問時，直認在電視城內曾經發生罵戰，更不忿說：「佢思覺失調！」新歡舊愛鬧到出面，做乜鬼吳浩康都變咗Johnny 「Deep 」？
𨋢內罵戰
時間：9月中
地點：無線廣播大樓後梯客𨋢
經過：傳胡定欣於𨋢內巧遇情敵，火遮眼唔理𨋢內仲有其他人，兩女短短一層樓時間內互相駁火，最終莊思敏敵唔過「舊鞋」喊住敗走！不過事後罵戰傳勻電視城。
與胡定欣分手三個月後，吳浩康旋即戀上富家女莊思敏，而胡定欣亦不甘示弱，有傳她分手1個月便在Volar 內𠝹掂有米肥仔。
騷擾SMS
半年前，有自稱胡定欣友人的神秘人發電郵至各大報館，指胡定欣聯同友人經常以太空咭send SMS 騷擾莊思敏。雖然胡定欣否認有關指控，但莊思敏直言恐怖SMS 騷擾仍未停止，只是內容字眼變成較簡單的「八婆」和「小心啲」！
餐廳單打
時間：8月尾
地點：無線員工餐廳
經過：胡定欣在餐廳內一見莊思敏即時彈佢兩句，莊思敏未知乜事，胡定欣已經嗱完彩閃人。
愈講愈喊
半年前除了威嚇性的SMS 外，仲有恐嚇要強姦莊思敏的短訊，莊同吳浩康戀情一波三折，她更直言胡分手後仍然死纏吳浩康：「佢上年仲帶埋班記者拎埋蛋糕去探阿Deep 班兼慶祝生日，嗰時都分咗手半年，點解仲要做咁多嘢！」
富豪女模莊思敏一向水著冇say no ，43吋長腿密密有騷出，最近更被無線收費台睇中，搵佢做埋音樂節目《金榜達人》及《boom 部落格》主持。不過莊思敏未入屋，先被情敵開波，有目擊人士更向本刊爆料指胡定欣在電視城𨋢內眾目睽睽鬧喊莊思敏。
兩次開火
「胡定欣憎鬼莊思敏唔係咩秘密，不過估唔到佢隔成年都咬住唔放啫，嗰日莊思敏原先搭無線電視大樓後梯部𨋢上3樓，點知咁啱胡定欣入𨋢，佢見到莊思敏當堂黑晒面，之後你頂我一句、我插你兩句，但至爆都算胡定欣最尾鬧莊思敏嗰句：『你都係著我舊鞋咋！八婆！』莊思敏聽到就喊住衝出𨋢。」知情者說。
最近響《搜神傳》中飾演入魔鑄劍師莫邪的胡定欣，除咗好似上咗身咁響𨋢內狂
情敵，在今年8月尾，莊思敏在餐廳與收費台工作人員洽談合作細節時，剛巧在餐廳經過的胡定欣眼見情敵殺入自己地頭，即時在餐廳內大聲說：「做咩搵埋啲咁嘅人㗎！」仲要講完即閃，莊思敏想還擊都冇機會。
含冤受屈
上週五（3日），莊思敏入廠錄影《金榜達人》節目時，問到佢有關胡定欣兩度在電視城內開火一事，莊先表現錯愕，其後更愈講愈激動，忍唔住喊到失聲。
F ：《FACE 》 莊：莊思敏
F ：聽講你同胡定欣嘈交喎！
莊：吓……你響邊度聽到㗎？係有發生過，不過……
F ：你好慘喎，係咁俾人鬧！
莊：我只可以講……（情緒開始激動流淚）我……冇去挑釁人，亦唔明佢（胡定欣）點解咁憎我，我都冇同佢爭過男朋友，冇做過第三者！佢哋分咗手三個月之後，我先同佢（吳浩康）一齊，係佢思覺失調，分咗手之後仲纏住晒搞咁多嘢，我同屋企人講我係清清楚楚，佢哋分咗手先一齊！我呢隻死貓食咗成年，成日俾人電話騷擾，出街又俾人指住我，我都唔好受！呢啲又有邊個知呀？」
攬新女友
胡定欣纏實舊愛女友唔放，上週六吳浩康出席新城音樂騷時，對於兩女開火一事似乎早有準備，仲同胡定欣即時劃清界線，撐到女友行一行。
F ：《FACE 》 吳：吳浩康
F ：聽聞你女友俾胡定欣恰喎？
吳：我知你哋噚日搵過佢，佢有同我講。
F ：會唔會搵胡定欣傾吓？
吳：（語氣不屑）唔會再搵佢！（再溫柔番）我緊張Jacqueline 感覺多啲！
F ：再發生同類事點算？
吳：我同Jacqueline 講見到佢就行開，如果真係有咩事，我會搞掂！
昔日拍過拖，吳浩康當然了解舊愛脾性，至於女主角胡定欣，週一在電話中則回應說：「哈哈！好新鮮喎，我冇見過佢（指莊思敏）喎！我點會同佢鬧交呀，真係唔知喎！」之後其經理人再致電補充：「冇啲咁嘅事，胡定欣呢幾個月都冇同莊思敏見過面，總之我哋唔想因為莊思敏嘅新聞搞到有乜誤會啦！」
有錢女贏晒
吳浩康兩位新歡舊愛論年紀差唔多，不過莊思敏有43吋長腿兼且有個富貴老豆，住山頂獨立屋唔使憂柴憂米，吳浩康唔係蠢仔應該好易揀！
有錢女贏晒
吳浩康兩位新歡舊愛論年紀差唔多，不過莊思敏有43吋長腿兼且有個富貴老豆，住山頂獨立屋唔使憂柴憂米，吳浩康唔係蠢仔應該好易揀！
男友搞掂
胡定欣雖然唔夠阿佘咁足電力，不過胡定欣為人超好勝，據知胡跟吳浩康分手一年，仍不時致電吳的胞姊嗱料，八卦前男友去向。
你咪以為你而家好掂，慳啲啦！
我癲？你都係著我舊鞋咋！八婆！
做咩事你成日響度嘈，咪癲啦！
＊以上全部真實對白
