傅穎（Theresa ）前晚到九龍灣出席新城慈善卡拉OK 活動，佢早排增磅成功，但老闆黃柏高睇完最近有關佢增磅嘅報道後，話以前佢瘦削嘅身形比較好睇，另外又有男fans 投訴話鍾意佢以前嘅身形，Theresa 話：「我呢幾日去做機同跳舞各兩個鐘，每日只食三餐，戒澱粉質，夜晚7點之後唔食嘢。」
幾位身形肥胖嘅「A 貨Theresa 」同場出現，真假Theresa 同場都幾搞笑。
現場有位19歲少女突然羊癇症發作，工作人員急call 白車，救護員到場立即為佢治理。
為楊愛瑾解畫
Theresa 同小肥（右）前晚出席慈善卡拉OK 活動，玩得好投入。
問到而家係咪佢磅數嘅高峯期？Theresa 話早幾日係，好彩佢代言嘅纖體公司冇「詐型」，因為佢體重冇超過合約定明嘅110磅。好友楊愛瑾被傳搭上有婦之夫，Theresa 話：「佢交遊廣闊，但佢唔係咁嘅人。我試過對個男仔有feel ，但佢有女友，我就斬纜，我唔會做第三者。」
當Theresa 同小肥喺台上演出時，欄外有位圍觀嘅19歲少女突然羊癇症發作，被送咗去聯合醫院，事後新城公關表示少女冇生命危險，Theresa 就唔知台下有觀眾出事。
此外，Theresa 噚日到奧海城為纖體公司出席宣傳活動，同場有幾位身形肥胖嘅「A 貨Theresa 」出現。講到方力申想搵Theresa 緋聞男友Neal 跑馬拉松，Theresa 話：「我唔知佢哋有乜節目，我同佢（指Neal ）好少見。」
Theresa 又話如果自己有男友，就唔使日日喺屋企煲台劇。
Theresa 噚日為代言
嘅纖體公司做宣傳活動，佢即場同一班女舞蹈員跳舞。
