謝安琪與關楚耀合作後，覺得對方成熟了不少。
攝影：葉君海
場地提供：海港城
關楚耀（Kelvin ）去年憑一首《你當我甚麼》而為人熟悉，於頒獎禮獲得新人獎，今年他再接再厲，找來謝安琪（Kay ）合唱《四面楚歌》，雖然這首不是情歌K歌，但Kelvin 對這首歌的寄望十分大，希望贏到樂迷及行家口碑多於獎項。
關楚耀最近與謝安琪合唱的《四面楚歌》是一個新嘗試，歌曲中他負責rap 的部份，最初連他自己都沒有信心可以rap 得好，他說：「Rap 真係有一定難度，加上呢首唔係情歌，我都擔心樂迷未必會鍾意，好彩公司都畀我好大自由度，好信得過我揀歌眼光。」
關楚耀希望新歌贏得口碑多於獎項。
髮型：Ted of ii hair and nail spa
化妝：Johnathan of Make Up Academy
謝安琪現時最希望與關菊英合唱。
髮型：Derrick of Pop
化妝：Kris Wong 服裝提供：Vicky
「佢真係大個仔」
然而，這首歌派台之後反應不俗，為Kelvin 打了一支強心針，對於年尾的獎項他覺得不重要，他說：「你話我老套都好，唱歌真係唔係為嗱獎，最緊要係贏到口碑，今次我呢個嘗試大家都好鍾意，同埋我想畀多啲唔同類型歌曲大家選擇。」
Kelvin 表示一聽到《四面楚歌》的音樂，心里已決定要邀請阿Kay 合唱，他說：「我一聽呢首歌，腦海即時閃咗阿Kay 個樣出嚟，除咗佢我諗唔到可以有邊個更適合。」而阿Kay 於今次的合作上發覺Kelvin 成熟了不少，對工作投入程度都大大提升了，她說：「佢真係大個仔啦，唱呢首歌時好有自己嘅主見，畀好多自己嘅意見，我覺得一個歌手應該係咁樣嘅，希望成績越嚟越好，揀多啲好歌畀大家聽。」
此外，Kelvin 心里原來還有一個計劃，是想推出一隻合唱碟，但合作人選都是前輩歌手，他說：「我真係好想搵到周慧敏、湯寶如呢啲前輩級歌手同我合唱，佢以前嘅合唱歌都好受歡迎，不過我知道搵佢合唱有一定難度。」
謝安琪近日頻與關楚耀宣傳合唱歌，一起出席公開活動。資料圖片
打前輩歌手主意
至於阿Kay 現時最希望可以與關菊英合唱，她說：「上次上《勁歌》聽到菊姐唱歌，真係覺得呢啲真係大師級，佢唱得好唱得好穩定，而且一行出嚟就好有壓台感，而且佢同我講佢有聽我啲歌，過一刻真係好開心，我好想同菊姐合唱。」
