雷sir 55歲
無線為慶祝奧運收視理想，上個禮拜四（九月十八日）專登喺太子一間酒店筵開三十三席，慰勞一班為奧運捱更抵夜嘅台前幕後員工。
今屆奧運是非亦特別多，尤其係被冠以「呻吟主持」嘅李思雅，憑嬌聲嗲氣令知名度大增。
你咪旨意！（設計對白）《FACE 》圖片
久別重逢，雷sir 見到李思雅忍唔住捉實對方隻玉手打招呼。
楊天經 33歲
主動搭住楊天經膊頭傾偈嘅李思雅，傾唔夠兩句就郁手幫對方整頭髮，你估你係寶珠姐咩！
李思雅唔只有異性緣，同高層樂易玲仲鬼咁好傾，唔通佢都想拍劇。
慶功宴當晚，李思雅著住件紅色連身裙，sharp 爆滿場飛，首個埋身目標係寶珠姐嘅「心肝椗」楊天經，李思雅仲主動伸手幫經經整理前額頭髮，搞到對方好尷尬。
下一個，輪到雷sir 雷禮儀。兩個一齊做排球賽旁述，雷sir 對呢位世侄女似乎相當好印象，一見佢走埋嚟，即刻捉住手仔打招呼影合照。老嫩都岩，李思雅應該趁佘詩曼情投鄭嘉穎，發功攝位，做新一代無線嗲精。
多位奧運主持當中，以剛剛嗱咗身份證做香港人嘅劉璇表現最突出，據聞無線有意簽佢做藝員，當晚樂易玲就成晚同佢咬耳仔。
克勤嘅菲傭早排一時大意，令Ryan 跌落地受傷。痛在心嘅克勤，因為菲傭先發制人遞信唔撈，搞到要做全職湊仔公，
到右眼紅筋暴現，慶功宴更加遲嚟早走，手上杯紅酒只係道具，一啖都唔敢飲。
