送飛前，Ivana 執靚個樣，先set 頭再修埋甲，仲帶埋隻價值5萬8嘅鑽戒，話晒親手送飛俾劉華喎！點可以失禮先！
今個月27、28日就係王菀之處女個唱嘅大日子，sell 才藝嘅Ivana ，今次個騷最貴門票要成四百蚊一張，7月23日已開始賣飛，9月先話爆滿。媽咪姐聽到個消息，話佢個騷賣飛情況唔多好，網上仲有唔少人放飛，搞到Ivana 好鬼擔心。上周六（13日）舉行《勁歌優秀選》，各歌手下午已經陸續到達電視城綵排，但醒目嘅Ivana 吼個騷完咗，當成班記者圍晒喺後台時，佢先突然嗱出兩張飛送俾劉華。咁搞法，同一公司嘅劉華就算冇心捧場都要幫手做宣傳啦。
