施念慈（Celia ）與陳鴻業（Alan ）這對離婚冤家，前晚及昨日各自帶另一半出席婚紗騷，多次改婚期的Alan 會於12月中迎娶鄭詩韻，Celia 則透露明年初與空中少爺男友拉埋天窗。問到Alan 會否派帖給前妻，他即一臉尷尬，連祝福前妻的話也講不出。
施念慈表示明年初會與相差十歲的男友Alex （右）結婚。
「要揀個心地好」
早前有傳Celia 會於本月與Alex 閃電結婚，她早前已作出否認，前晚再問二人婚期時，Alex 即搶著說：「其實要問准媽咪，都快，會係出年年頭。」問Celia 男方是否已求婚，她說：「講過，都應承咗，未話籌備，會先結婚，後一年擺酒，我就想旅行結婚，咁大個人，媽咪話唔好嫁個咁差，要揀個心地好。」在旁的Alex 表示會努力搵錢，Celia 即說：「自己都唔物質，佢對我好就得，唔在乎戒指有幾多卡，禮金有幾多。」
另一邊廂，陳鴻業昨日專程往澳門MGM ，為未婚妻鄭詩韻旗下公關公司的婚紗展撐場，二人婚期多次更改，終落實今年12月中舉行，當Alan 得悉前妻Celia 明年初再婚，他即尷尬地說：「唔知，冇留意，冇聯絡好耐。」問他會否派帖給Celia ，他只說：「會派帖畀親戚朋友。」當再追問他會否祝福前妻，他則一臉靦
地傻笑。
陳鴻業與未婚妻鄭詩韻笑容一致，原在香港打冰球的他，特別趕往澳門撐場。
鄭詩韻籌備嫁衣
鄭詩韻透露忙於為婚紗張羅，她說：「而家改12月，多咗時間，自己又三心兩意，度身訂做咗猶太裔設計師品牌Elie Saab ，酒席已搞得七七八八，會喺君悅或者會展，婚紗相過多兩個月先影，等Alan keep 吓先。」
