最近獲日本圓谷製作公司選中，於超人五十週年中擔任超人之母的人間體的羅子喬（Bella），原來曾經是施念慈旗下的𡃁模。Bella日前在雜誌爆料指過去曾被人逼去飯局，有人表示「如果冇錢可以搵佢，有辦法幫手。」Bella誤打誤撞下曾出席K房派對，聲稱被人攬腰抽水，Bella昨在電話中猶有餘悸說：「當然唔開心，以為傾公事，當時係有啲唔好行為啦！」她表明自己不會出席飯局，故不知飯局價，可知陳靜（DaDa）當年退出原因？她說：「其他人嘅嘢我唔清楚，但其他女仔都好支持我。」
直認關係早已決裂
據悉施念慈旗下公司Jacso近日去信向Bella及與其合作的公司，投訴她在未經許可下擅自接洽工作，Bella昨發聲明指與Jasco已於去年十月十五日正式解除合約，她直認關係早已決裂：「係呀！我已交咗畀律師處理，我哋有充份理據，證明佢哋做過一啲違約行為，合約已經解除咗。」可擔心對方再發律師信叫收口？她說：「我唔驚，因為我講嘅全部係事實。」可擔心再被封殺？她說：「係都冇辦法，既然大家做事作風唔同，解約都唔係一件壞事。」昨晚施念慈亦透過律師發表聲明，指與Bella合約仍然生效，可謂各執一詞。聲明中的第四點，特別提到今次的飯局風波，施念慈指Bella的言論失實及具誹謗性，其公司將保留法律追究權利。
DaDa曾因心理及情緒問題退出娛樂，身為DaDa師姐的Bella爆圈中潛規則。微博圖片
施念慈公司Jacso發信投訴Bella私下接工作，Bella昨發聲明澄清已於去年十月解除合約。
岑潔儀昨在fb力撐Bella，更自爆曾被封殺。資料圖片
岑潔儀自爆被封殺
已為人妻的岑潔儀（Zoey）昨在facebook力挺好友Bella的悲慘遭遇，Zoey曾經身同感受被封殺，她同情Bella由澳門隻身來港發展，卻遇人不淑，所以出言力撐。Zoey昨在電話中說：「當年我都係喊到癲咗，佢旗下有啲女仔係我好朋友，但可能有人覺得我係唔好女仔，又搶啲女仔機會，咪周圍打畀人封殺我囉。嗰時佢（施念慈）男友仲打電話同send message話你個人咁假，有報應，你小心啲呀！嗰時幾唔開心，但都好多年前，都過咗去。」
採訪：嵐山、非非
from:
http://hk.apple.nextmedia.com/entertainment/art/20150305/19063629
