低胸郭羨妮無懼身處旺角，大開中門益街坊，lowcut 曹敏莉根本無得鬥。
上個禮拜六（十三日），郭羨妮同曹敏莉現身旺角街頭，為一間美容院擔任開幕嘉賓。
久未露面嘅郭羨妮，一身低胸打扮何只搶鏡，行去登打士街一帶派利是做宣傳，一眾男途人簡直陷入瘋狂，不斷舉機拍攝郭羨妮豪乳出巡，將穿lowcut 白色短裙的曹敏莉，完全比下去。
搶盡對方鏡頭，郭羨妮強調唔係為咗搶鏡：「點會搶鏡呢！大家都咁靚。」
手下敗將曹敏莉亦冇「口」軟：「佢（郭羨妮）都好靚呀！不過我又唔係做豐胸開張，今日做美容院嘛！」咦！呢句說話，有骨喎！
周街派利是都足夠造成混亂，更何況郭羨妮呢一身打扮，男途人（右）睇到如痴如醉。
周圍途人以男士居多，更有人準備相機及手機，擒高擒低捕捉精彩鏡頭。
