探熱針
搾乾補習天王 楊恭如分手脫貧
甩拖後，恭如喪飲解悶，在Mo Bar 飲足三個鐘，再轉場去銅鑼灣繼續飲。
三十四歲急於嫁人上岸的楊恭如，今年二月搭上補習天王簡俊傑（Ken Kan ）後，有豪宅唔住，即時搬入男友位於元朗的平價樓．
拍拖半年，一度自爆會在明年結婚的楊恭如上月閃電甩拖。今次分手又是錢作怪，使慣人錢的她六月跟男友去旅行歎世界後，暑假零收入的Ken Kan 已被搾乾搾淨，加上因為楊母反對二人拍拖，早前嬲到返上海自住，恭如於是順水推舟，分手斷窮根。
凌晨三點半，兩個朋友飲到high 晒，恭如依然要劈落去，朝早七點先返屋企。
七月中，跟男友到澳洲度假，當時二人仍未分手，恭如大方地將旅行照放在blog 上。
星期日，Ken Kan 出現在補習學校，對於恭如主動提出分手一事未有回應。
收入大減
楊恭如跟卅一歲的Ken Kan 公開姊弟戀後，雖然被對方正印女友Ron （葉敏芝）上門踢竇，但慣做第三者搶人男友的楊恭如卻不以為然，每次出席公眾場合都會甜蜜暢談新戀情，更宣布會在明年結婚做簡太。
半年情原本打得火熱，不過自從二人由澳洲度假返港後，上月中，恭如忽然主動提出分手，表面理由是性格不合，實情錢作怪！
「Ken Kan 每個月都有十幾萬收入，點知佢公開拍拖後，Ken Kan 人氣大跌，因為好多家長都覺得佢形象花心，唔鍾意仔女讀佢教補習班，收入大減，得番幾萬蚊個月，加上補習學校暑假要休息三個月，呢段時間更加係零收入，但佢仲使一大筆去旅行，真係俾楊恭如搾乾晒。」知情者說。
兩人拍拖後，恭如不時出席男友的家庭聚會。四月初，又拍到她到男友屋企人住的振益花園食飯。
○二年，恭如跟有上海首富之稱的周正毅食消夜，之後傳出她遭人掌摑。
Ken Kan 一腳踏兩船，今年三月正印女友Ron 曾到元朗踢竇，二人在街上糾纏個幾鐘，最後男方突然狂奔唔見人。
劈通頂
上星期四（八月廿八日）黃昏，身穿T 恤牛仔褲的楊恭如同朋友到中環Mo Bar 飲紅酒，飲到九點，再搭的士到銅鑼灣恩平道亨利中心繼續，凌晨十二點半，已經飲到面紅紅的她依然未夠喉，跟朋友再轉場到登隆街永光行，凌晨三點半，腳步浮浮的楊恭如再行去同一條街的大利行繼續劈，途中遇到有人在街上打交而驚動警察，不過恭如視若無睹，一晚轉四個場，劈到朝早七點先返屋企。
至於一直唔接受Ken Kan 的楊母，因為女兒同窮教師拍拖，曾經同身邊朋友呻，「人咁開心話要結婚，我仲可以點呀！」為了令楊恭如知難而退，她更一度返上海暫住，直至二人分手，她才放下心頭大石返香港。
星期日（八月三十一日）下午兩點多，人又無錢又無的Ken Kan 住其二手保時捷，離開元朗蝶翠峰寓所到補習學校，有關跟楊恭如分手，他說：「私人唔講，不過你唔好再等我，我陣間會去私人會所食飯。」
狐狸精上身
九五年參加亞洲小姐獲冠軍躋身娛樂圈的楊恭如，入行多年緋聞不絕，而且每次都是做「狐狸精」，每次亦都是衰收尾。
99年：跟古天樂拍電影《新家法》時撻，介入古天樂與黃瑩之間，但二人關係只維持了一年便玩完。
00年：擔任王傑音樂特輯嘉賓，雖然當時王傑正跟霍汶希拍拖，但她仍主動示愛，最後成功橫刀奪愛！
02年：被拍得夜會上海首富周正毅，之後傳出她被包養及在餐廳遭掌摑，○四年周正毅落難後，她便要大屋搬細屋及返大陸拍劇賺錢。
08年：同有「補習界鄭伊健」之稱的Ken Kan 拍拖，雖然明知對方已經有女朋友，但介入別人感情的楊恭如卻以勝利者姿態，高調向傳媒公開戀情及表示計劃結婚。但最終因為對方財力唔夠厚而主動提分手。
---------------------------------------
p.s.真係抵死呀!!!貪人地個樣令~拋氣舊人~結果比人吸哂d 錢再拋棄~呢d 咪叫~大難林頭各自飛羅!!!
~~~~男既已經有報應~唔知女既幾時有報應呢~
話時話~似鄭伊健???唔係啦化....似周星星套賭神入面既大軍多d喎......
