楊恭如感情冇着落，大前日得閒惟有同媽咪（左）逛銅鑼灣hea時間，恭如身家隨時過千萬，但生活慳家，口渴時嘆吓橙汁，返屋企更平民到坐小巴。
近年大多數喺內地拍劇搵錢嘅楊恭如，雖年屆38之齡，但感情仍然空虛，先後同上海首富周正毅、台灣演員黃少祺傳緋聞，08年都曾經同細過佢嘅補習天王簡俊傑拍拖，不過半年貨仔就玩完，後來又同體育主持、現任亞視創作總監嘅蔡錦豐傳過緋聞，可惜最終喺佢身邊嘅都只係得楊媽媽Jenny。
近年大多數喺內地拍劇搵錢嘅楊恭如，雖年屆38之齡，但感情仍然空虛，先後同上海首富周正毅、台灣演員黃少祺傳緋聞，08年都曾經同細過佢嘅補習天王簡俊傑拍拖，不過半年貨仔就玩完，後來又同體育主持、現任亞視創作總監嘅蔡錦豐傳過緋聞，可惜最終喺佢身邊嘅都只係得楊媽媽Jenny。
睇唔成中醫，恭如同媽咪沿途睇吓嘢，然後就去買橙汁。
睇中醫摸門釘
素顏戴住平光眼鏡嘅楊恭如，大前日下晝5點，同媽咪喺銅鑼灣出動，先去蘋果專門店逛，不過行咗陣都係空手而回，之後佢哋上咗一幢大廈想睇中醫，點知醫師冇應診，摸咗門釘嘅恭如同媽咪惟有走人，途經街邊見有車仔檔賣寵物用品，都埋去八咗三、四分鐘，又係冇幫襯。其間恭如去對面士多買鮮榨橙汁解渴，跟住就同媽咪喺白沙道搭比華利山嘅屋苑小巴返屋企。恭如屋企閒閒哋過千萬，但佢嘅生活都算慳家。
From:
http://hk.apple.nextmedia ... 121231/18118601
