嘲未來老公搏命減肥難搶鏡Kelly4千萬閃爆新娘驚艷
(星島)8月29日星期五06:30
(綜合報道)
(星島日報 報道)陳慧琳 （Kelly）前晚以代言人身分出席金至尊 珠寶慶典，與模特兒熊黛林 （Lynn）、姚書軼演繹多套名貴鑽飾。到場嘉賓有鄧麗欣 （Stephy）、陳法蓉 、楊洛婷、黃柏高等。文：張穎芝圖：譚志光
準新娘Kelly身穿婚紗出場，佩戴一套價值1,800萬元的鑽飾，明艷照人，接着Kelly展出價值19,999,000元的鑽石花球，好像預演婚禮一樣，幸福滿瀉。司儀問Kelly何時當母親？Kelly笑言：「未住！」Kelly表示婚禮籌備當中，於「Designer Bridal Room」訂造了兩套婚紗，其中一件是奚仲文設計，父親亦會親自為她設計一套首飾，8位姊妹裙已定了銀灰色，而喜帖用上時尚的設計。Kelly表示心情沒甚麼樣，反而準新郎Alex為修身而緊張，她笑說：「佢緊張修身，覺得未合標準。（妳覺得呢？）OK啦。我靚就得啦！佢好難搶我鏡！」10月是Kelly的好日子，不過她的工作將排至9月底。
熊黛林冷對城城
至於Lynn的低胸晚裝盡顯其驕人身材，十分搶鏡，恨嫁的Lynn直言希望盡快嫁人，她說：「唔知自己幾時（結婚），隨緣啦，愈快愈好！不過唔係呢兩年。（現時有沒有對象？）唔知。要到嗰刻至知。（如何打動妳？）要好特別求婚方式，靚鑽石戒指！（跳舞唱歌能否打動妳？）唔知……要睇吓。」
談到城城演唱會旋轉舞台列入健力士紀錄，問會否與城城慶祝？Lynn說：「唔會，佢做第一次已經入咗啦。（妳好留意城城啲新聞？）關心香港。（城城話無伴侶慶祝感遺憾。）開心嘢唔一定同邊個慶祝，同一齊努力嘅拍檔同事慶祝都開心，因大家好畀心機。」Lynn表示因工作在身，應該不會欣賞城城於澳門 舉行的演唱會。
Stephy自認是非命
身穿Low Cut裙的Stephy佩戴30萬元鑽飾，她指連身裙有少許寬鬆，而且沒有黐膠紙，笑言不覺上圍縮水。此外，有傳她出招踢走傅穎 ，成功換上吳雨霏 （Kary）與她合演《絕代雙嬌》，Stephy澄清說：「唔會，一早知道同Kary拍，無聽過其他人，導演話我同Kary性格極端，佢粗暴、我斯文。」
Stephy又自認與導演葉念琛同是惹是非之人，不過人大了也看化，惟有當是非為電影提早宣傳，她說：「睇相話我係是非命，我有問過點破解，佢（相士）話無，係天生。讀書時期我都係咁，打排球多女仔多是非，佢哋話教練錫我多啲，成日畀我出賽。」Stephy笑言，可能到退休隱居深山不見人，才沒有是非。
■穿上婚紗的Kelly，與近2千萬的鑽石花球同樣星光四射。
■Kelly佩戴一套價值1,800萬元鑽飾，明艷照人。
■Stephy說自己天生一條是非命。
■前晚Kelly與熊黛林、姚書軼演繹多套名貴鑽飾。
■城城表示無伴侶慶祝入健力士紀錄感遺憾，熊黛林冷言叫他跟拍檔同事慶祝。
