拍拖五年，余文樂最終因為日本攬女斷正，黃伊汶主動分手。（《蘋果日報》圖片）
黃伊汶（Emme ）、余文樂拍拖五年，男方經常被指愛蒲溝女，但Emme 始終對男友投下信任票。不過，上得山多終遇虎，今年四月，余文樂
沈嘉偉衫尾，到日本會合猿人老闆Nigo 度假期間，因為攬女偷食斷正，被Emme 友人撞個正喺。東窗事發，火遮眼的Emme 徹底失望，主動同余文樂斬纜，結束五年情。
（《忽然1周》圖片）
女友不在身邊就放肆的余文樂，去年十二月便被拍得在台北夜場攬女。
13/08
甩拖後，余文樂經常黐住沈嘉偉（左一）消遣，上星期三，本刊便拍得他與沈嘉偉兩兄弟及城城食完火鍋再鍊車。
16/08
上週六余文樂約了林海峰到北角打籃球，玩到㷫烚烚，更脫去上衫。
八月六日，黃伊汶為推出新碟開了一個私人party ，廣邀好友出席，獨欠余文樂。
拍拖初期，二人經常有合作機會，更同在電影《黑白戰場》演出。
潮拜教父
一味靠黐嘅余文樂，致力攀附城中一眾有米玩車族，即使花唔起幾百萬買限量版戰車，仍有機會與沈嘉偉、郭富城、周杰倫等人埋堆。今年四月，沈嘉偉吹雞，帶埋余文樂到日本，會合猿人老闆Nigo 度假。除咗學人做車神，自以為潮流icon 的余文樂，當然趁大好機會與Nigo 混熟。人在日本，余文樂形同甩繩馬騮，一到埗就黐住Nigo 旗下一班靚女model 玩到癲，仲同其中一名㗎妹撻喺。
美色當前，余文樂明目張膽到賣甩團友沈嘉偉，與㗎妹黐住蒲吧跳舞。出埠溝女以為一定安全，仲同㗎妹
酒吧內表現親暱，但勢估唔到，一幕幕溫柔鄉情景，竟被同樣身在日本的Emme 友人撞個正喺，偷食人贓並獲。
「我哋一班朋友，都有叫阿樂唔好成日溝女，始終佢有個正印女友，仲玩到咁癲，遲早會賴嘢，不過，佢恃住Emme 信佢，又話自己溝女溝得好醒！」知情者說。
落力箍煲
拍拖五年，Emme 鮮有緋聞傳出，對余文樂極之信任又一條心，不過，今次日本偷食事件有生口做證，Emme 終於清醒。
「阿樂話已經同Emme 分咗手，仲話Emme 屈佢偷食喎！講到好勞氣咁，不過，佢個人係點，我哋班朋友點會唔知呀！」知情者說。
○二年加入樂壇的Emme ，因為與余文樂同屬環球唱片，經常孖住出席活動，亦造就二人感情，○三年開始秘密拍拖。
「佢兩個拍拖拍得好低調，多數同圈外朋友玩，阿樂好識氹女仔，經常會送小禮物俾Emme ，佢鍾意追潮嘢，所以每次有新款波鞋、T-shirt 、牛仔褲，都會第一時間買俾女友，○六年一月Emme 生日，佢就買咗隻貴婦狗氹女友開心。
「但阿樂好鍾意認叻，會晒命話Emme 送好多嘢俾佢，佢住東山臺嗰時，就話Emme 買齊全屋電器俾佢，個666車牌都係Emme 送！」知情者說。
分手三個多月，早前Emme 舉行新碟發布party ，邀請數十圈中好友出席，余文樂當然無份，記者於是追問緋聞男友點解唔捧場，Emme 冷淡表示：「以後唔想再提佢，好悶呀！」
不過，溝女斷正的余文樂，依然落力箍煲，更多次上女友帝庭園寓所拍門要求復合，死纏爛打！
就女兒跟余文樂分手，求證Emme 母親，向來愛錫女兒的黃母首度開腔：「我都想個女開心，不過我都會教佢，感情嘅嘢，唔好睇得咁重，要放輕鬆嘅！可以留低嘅咪留低囉！唔可以留低嘅，咪唔好留低囉！」由此可見，黃阿媽都睇唔過眼，舊愛棄不可惜。
余文樂○六年買了一隻Toy Poodle 送給黃伊汶，兩人更各自攬住狗仔合照放上自己個blog ，洩露了二人拍拖秘密。
